Denys Shmyhal

Denys Shmyhal
Денис Шмигаль
Opisyal na larawan, 2020
Ika-18 Punong Ministro ng Ukranya
Kasalukuyang nanunungkulan
Unang araw ng panunungkulan 4 Marso 2020
Pangulo	Volodymyr Zelenskyy
Diputado	Oleksiy Lyubchenko Yulia Svyrydenko
Nakaraang sinundan	Oleksiy Honcharuk
Personal na detalye
Isinilang	(1975-10-15) 15 Oktubre 1975 (edad 49) Lviv, Ukrainian SSR, Soviet Union (ngayo'y Lviv, Ukraine)
Partidong pampolitika	Independent
Asawa	Kateryna Shmyhal
Anak	2
Edukasyon	Lviv Polytechnic
Trabaho	Politiko negosyante

Si Denys Anatoliyovych Shmyhal ( Ukranyo: Денис Анатолійович Шмигаль  ; ipinanganak noong Oktubre 15, 1975) ^[1] ay isang Ukranyong politiko at negosyante na kasalukuyang nagsisilbi bilang Punong Ministro ng Ukranya mula noong 2020. ^[2] Bago siya naging punong ministro, si Shmyhal ay ang gobernador ng Ivano-Frankivsk Oblast at isang kumikilos na pangalawang punong ministro sa Pamahalaang Honcharuk. ^{[3] [4]}

Bilang Punong Ministro, si Shmyhal ang namamahala sa pagtugon sa pandemya ng COVID-19 as Ukranya. ^[5]

Ang mga magulang ni Shmyhal ay sina Anatoly Ivanovich at si Irina Feliksovna. ^[6]

Noong 1997, nagtapos si Shmyhal sa Politekniko ng Lviv . Hawak niya ang titulong Kandidato para sa Ekonomikong Agham (2003). ^[7] Mula sa kanyang pagtatapos noong 1997 hanggang Setyembre 2005, nagtrabaho si Shmyhal bilang isang tagapagtuos sa iba't ibang kumpanya. ^[8] Mula Setyembre 2005 hanggang Hunyo 2006, si Shmyhal ay naging Deputy General Director ng isang kumpanya na tinatawag na "LA DIS". ^[8] Mula Hunyo 2006 hanggang Agosto 2008, siya ay naging Direktor para sa kumpanya ng pamumuhunan na nagngangalang "Comfort-Invest". ^[8] Mula Setyembre 2008 hanggang Setyembre 2009, si Shmyhal ay Pangkalahatang Direktor ng isang kumpanya na tinatawag na "ROSANINVEST LLC". ^[8]

Nagtrabaho si Shmyhal sa maraming nangungunang tungkulin sa pulitika sa Lviv Oblast ng Ukraine mula 2009 hanggang Disyembre 2013. ^[8] Una, bilang Puno ng Kagawaran ng Ekonomiya sa Administrasyong Lviv Oblast sa pagitan ng 2009 at 2011. ^{[1] [8]} Doon niya nakilala at nakatrabaho si Oleh Nemchinov na, sa 2020, ay magiging Ministro ng Gabinete ng mga Ministro sa Pangangasiwang Shmyhal . ^[9] Si Shmyhal pagkatapos ay naging Puno ng Departamento ng Ekonomiks at Pulisiyang Industriyal para sa buong 2012. ^[8] Noong 2013, siya ay Pinuno ng Departmento of Ekonomikong Pag-unlad, Pamumuhunan, Kalakal at Industriya. ^[8]

Sa unang apat na buwan ng 2014, si Shmyhal ay isang tagapagkonsulta sa isang People's Deputy ng Ukraine . ^[8]

Mula Mayo 2014 hanggang Disyembre 2014, nagtrabaho si Shmyhal bilang Diputadong Puno ng opisinang rehiyonal ng Lviv Oblast ng Ministry of Revenues and Duties . ^{[8] [2]}

Naglingkod siya bilang Bise Presidente ng Lviv -based frozen goods distributor TVK Lvivkholod mula 2015 hanggang 2017. ^[2]

Mula 2018 hanggang 2019, nagsilbi si Shmyhal bilang Direktor ng Burshtyn TES na siyang pinakamalaking tagapaggawa ng kuryente sa Ivano-Frankivsk, at bahagi ng mga hawak ni Rinat Akhmetov . ^{[10] [11] [12]}

Mula Agosto 1, 2019 hanggang sa kanyang paghirang sa ministeryal, si Shmyhal ay naging Gobernador ng Ivano-Frankivsk Oblast . ^[4]

Noong 4 Pebrero 2020, siya ay hinirang na Ministro ng Kaunlarang Kagawaran ng Rehiyon . ^[13]

Pinalitan ni Shmyhal si Oleksiy Honcharuk bilang punong ministro ng Ukranya mula noong Marso 2020. ^[14]

Noong 2021, ang 46-taong-gulang na si Denys Shmyhal ay pumasok sa TOP-100 na pinaka-maimpluwensyang Ukrainyo ayon sa lingguhang magasin na Focus . Ang Punong Ministro ay binigyan ng ika-7 puwesto sa mga rating. Ang tagumpay ni Shmyhal ay ipinaliwanag sa pamamagitan ng suporta ni Volodymyr Zelenskyy at ang mga inisyatiba ng tanggapan ng pampanguluhan .