Clytemnestra
Sa mitolohiyang Griyego, si Klytaimnestra o Clytemnestra ay ang anak na babae ng haring si Tyndareus (Tyndareos) ng Isparta at ni Leda. Kasal siya sa hari ng Mycenae na si Agamemnon, kung kaninong siya ay nagkaanak: ang kanilang mga supling ay sina Iphigeneia, Elektra, Orestes at Chrysothemis. Pagkalipas ng Digmaan sa Troya, pinaslang ni Clytemnestra at ng kaniyang mangingibig na si Aegisthos si Agamemnon. Sa bandang huli, pinatay sina Clytemnestra at Aegisthos ng anak ni Clytemnestra na si Orestes.
