நியூசிலாந்து நெட்டைக்காலி
| நியூசிலாந்து நெட்டைக்காலி | |
|---|---|
| |
| கபிடி தீவில் | |
| உயிரியல் வகைப்பாடு | |
| Unrecognized taxon (fix): | Anthus |
| இனம்: | வார்ப்புரு:Taxonomy/AnthusA. novaeseelandiae
|
| இருசொற் பெயரீடு | |
| Anthus novaeseelandiae (Gmelin, JF, 1789) | |
நியூசிலாந்து நெட்டைக்காலி ( New Zealand pipit ) என்பது குருவி வரிசையைச் சேர்ந்த ஒரு சிறிய பறவையாகும். இது மோட்டாசில்லிடே குடும்பத்தில் உள்ள நெட்டைக்காலி பேரினத்தைச் சேர்ந்தது. இது நியூசிலாந்து மற்றும் வெளி தீவுகளில் திறந்த வெளிப் பகுதிகளில் காணப்படுகிறது.
இது முன்பு ரிச்சர்ட்ஸ், ஆப்ரிக்கன், மலை, நெல்வயல் நெட்டைக்காலிகளுடன் ஒரே இனத்தில் சேர்க்கப்பட்டிருந்தது. பல ஆய்வாளர்கள் ஆஸ்ட்ரேலேஷியன் நெட்டைக்காலியை இரண்டு வகைகளாகப் பிரித்தனர்: ஆஸ்திரேலியாவில் உள்ள ஆத்திரேலிய நெட்டைக்காலி ( அந்தஸ் ஆஸ்ட்ராலிஸ் ) [2] மற்றும் நியூ கினியா மற்றும் நியூசிலாந்து நெட்டைக்காலி ( அந்தஸ் நோவாசீலாண்டியே ), நியூசிலாந்தில் பிஹோய்ஹோய் என்றும் அழைக்கப்படுகிறது.
வகைபிரித்தல்
[தொகு]
இதில் நான்கு துணையினங்கள் அங்கீகரிக்கப்பட்டுள்ளன: [3]
- A. n. novaeseelandiae ( Gmelin, JF, 1789) - வடக்கு, தெற்கு மற்றும் ஸ்டுவர்ட் தீவு மற்றும் சேட்டலைட் (நியூசிலாந்து)
- A. n. chathamensis லோரன்ஸ் வான் லிபர்னாவ், எல், 1902 – சதாம் தீவுகள் ( தெற்கு தீவின் கிழக்கு, நியூசிலாந்து)
- A. n. aucklandicus கிரே, ஜிஆர், 1862 - ஓக்லாந்து மற்றும் கேம்ப்பெல் தீவுகள் ( தெற்கு தீவின் தெற்கு, நியூசிலாந்து)
- A. n. steindachneri ரெய்செக், 1889 – ஆன்டிபோட்ஸ் தீவுகள் (ஸ்டூவர்ட் தீவின் தென்கிழக்கு, நியூசிலாந்து)
விளக்கம்
[தொகு]இது ஒல்லியான பறவையாகும். இப்பறவை 16 முதல் 19 செ.மீ. நீளமும், 40 கிராம் எடையும் கொண்டது. சிறகுகளின் மேலே வெளிர் பழுப்பு நிறத்தில் இருண்ட கோடுகளுடன் இருக்கும். மார்பகத்தின் மீது கோடுகளுடன் கீழ்ப்பகுதி வெளிர் நிறத்தில் இருக்கும். கண்ணின் மேற்பகுதியில் புருவம் போல வெளிறிய பட்டையும், கருமையான கன்னமும், மீசை கோடுகளும் உள்ளன. இதன் நீண்ட வாலானது வெள்ளை வெளிப்புற இறகுகளைக் கொண்டுள்ளது. வாலை அடிக்கடி மேலும் கீழும் அசைக்கும். கால்கள் நீளமாகவும் இளஞ்சிவப்பு-பழுப்பு நிறமாகவும் இருக்கும் அதே சமயம் அலகு மெல்லியதாகவும் பழுப்பு நிறத்திலும் இருக்கும்.
சூழலியல்
[தொகு]இது புல்வெளிகள், வேளாண் நிலங்கள், சாலையோரங்கள், வறண்ட ஆற்றுப் படுகைகள், மணல் திட்டுகள், திறந்த வனப்பகுதிகள் போன்ற திறந்தவெளி வாழ்விடங்களில் காணப்படும் பறவையாகும். இப்பறவை வண்டுகள், சிலந்திகள், பூச்சி குடம்பிகள் போன்ற சிறிய முதுகெலும்பிலி உயிரினங்களை தரையில் தேடி உணவாகக் கொள்கிறது. இது புற்கள் போன்றவற்றின் விதைகளையும் உண்ணும்.
மேய்ச்சல் நிலங்களை மேம்படுத்துதல், பூச்சிக்கொல்லிகள் பயன்பாடு மற்றும் அறிமுகப்படுத்தப்பட்ட இனங்களால் வேட்டையாடப்படுதல் ஆகியவற்றின் காரணமாக நியூசிலாந்தின் சில பகுதிகளில் பறவைகளின் எண்ணிக்கை குறைந்துள்ளது.
காட்சியகம்
[தொகு]-
New Zealand pipit
-
A New Zealand pipit A. n. aucklandicus and megaherbs on Campbell Island
-
Anthus novaeseelandiae egg in the collection of Auckland Museum
மேற்கோள்கள்
[தொகு]- ↑ BirdLife International (2019). "Anthus novaeseelandiae". IUCN Red List of Threatened Species 2018: e.T22718480A131983972. https://www.iucnredlist.org/species/22718480/131983972. பார்த்த நாள்: 19 November 2021.
- ↑ Menkhorst, Peter; Rogers, Danny; et al. (2017). The Australian Bird Guide. Clayton South, Victoria: CSIRO. p. 500. பன்னாட்டுத் தரப்புத்தக எண் 9780643097544.
- ↑ "Waxbills, parrotfinches, munias, whydahs, Olive Warbler, accentors, pipits". IOC World Bird List Version 13.2. International Ornithologists' Union. July 2023. பார்க்கப்பட்ட நாள் 23 August 2023.