1703

1703 (MDCCIII) ஒரு திங்கட்கிழமையில் துவங்கிய ஒரு கிரிகோரியன் சாதாரண (நெட்டாண்டு அன்று) ஆகும். 11 நாட்கள் பின்தங்கிய பழைய ஜூலியன் நாட்காட்டியில் இது வெள்ளிக்கிழமையில் ஆரம்பமானது.

• சனவரி 14 - இத்தாலியின் நோர்சியா நகரில் நிலநடுக்கம் ஏற்பட்டது.
• பெப்ரவரி 2 - இத்தாலியின் லாக்கிலா நகரை நிலநடுக்கம் தாக்கியது.
• மே 27 (மே 16 (பழைய நாட்காட்டி) - பெரும் வடக்குப் போர்: ரஷ்யாவின் முதலாம் பீட்டர் சுவீடனிடம் இருந்து இங்கிரியாவைக் கைப்பற்றியதை அடுத்து சென் பீட்டர்ஸ்பேர்க் அமைக்கப்பட்டது.
• சூன் - ஐசுலாந்தில் மக்கள்தொகைக் கணக்கெடுப்பு நிறைவேற்றப்பட்டது. முழுமையான கணக்கெடுப்பு நடத்தப்பட்ட முதலாவது நாடு இதுவாகும்.
• சூலை 29-சூலை 31 - எழுத்தாளர் டானியல் டீஃபோ அரசியல் அங்கதப் பிரசுரம் ஒன்றை வெளியிட்டமைக்காக தண்டனைக் கட்டையில் வைக்கப்பட்டு, பின்னர் நான்கு மாதங்கள் சிறைப்படுத்தப்பட்டார்.
• நவம்பர் 24-டிசம்பர் 2 - அத்திலாந்திக்கு வெப்ப மண்டலச் சூறாவளி தெற்கு இங்கிலாந்து மற்றும் ஆங்கிலக் கால்வாயைத் தாக்கியதில் 8,000 பேர் வரையில் உயிரிழந்தனர்.
• நவம்பர் 30 - ஐசாக் நியூட்டன் இலண்டன் அரச கழகத்தின் தலைவராக நியமிக்கப்பட்டார். 1727 இல் இறக்கும் வரை இப்பதவியில் இருந்தார்.
• கோவா பாதிரியார் ஜக்கோல்மி கொன்சால்வெசு இலங்கை வந்தார்.^[1].

• மார்ச் 3 - ராபர்ட் ஹூக், ஆங்கிலேய அறிவியலாளர் (பி. 1635)
• மே 26 - சாமுவேல் பெப்பீசு, ஆங்கிலேயக் கடற்படை மேலாளர் (பி. 1633)