Hei alle gode bloggvener! Det er vel på tide med eit lite livsteikn? Kjem liksom ikkje heilt i gang igjen med produktiviteten enno? I morgen er ferien over for min betre halvdel, og eg trur at eg skal bli fole flenk då... Så spørs det om ferien min varer lengre? Idèane er i alle fall mange, og eg skal prøve å kome i gang i løpet av veka. Spørs litt kva vèr som er i vente? Så lite sol og varme som vi har hatt, er uteaktivitetar førsteprioritet dei dagane vèret er fint. I dag har det vore kjølegare og grått. Fekk verkeleg bli VÅT på trimturen min. Grøss og gru. Iskald rettare sagt. Godt at varmen inne berre er eit trykk unna ;) Varmepumpa som eg frykta slik, har vist seg å bli ein god ven... To siste dagane har temperaturen vore rett under tretti varmegrader i skyggen, så overgangane er store!
Først i dag vil eg vise knaggrekkja mi, som enn så lenge heng over vasken på kjøkkenet. Kjøpt på
ZanZ. Skålene kjøpte eg hos
Emmas Verden før i vår. Nydelege, og kjempefine til frokostgryna. Ellers heng der litt av kvart. Den siste billedmontasjen er frå nabohagen. Dei har uendeleg mykje fint i sommarhus-hagen sin. Og eit peonbed midt imot kjøkkenglaset mitt... Tja, heaven on earth... Og så mange vakre typar! Dei mørk rosa var avblomstra etter regnet i natt. Men dei lysaste stod enno vakre. Har lyst til å ta med meg alle inn igjen i huset ;) Men dei er så nydelege å sjå på frå vindauga også.
Det er fantastisk å sitje på hagebenken i seine, varme sommarkveldar. Fjorden ligg så blank og fin, og eg let att augene og hamstrar inntrykk. Når vinteren kjem, skal eg late att augene igjen, og åpne denne skattekista full av gode sommarminner... Slik kortar eg ventetida mot ein ny vår...
Ha ei vakker, ny veke alle saman!
Elin
♥ ♥ ♥
