බස් කතා බස්...

නව දිල්ල්ලි නුවර උදෑසන දර්ශන අතර හරිම සුලභ දසුනක් මේක.. ඕනෑම පටු පාරක ගිහින් ගෙදර දොරකඩින්ම මගියාව නග්ග ගන්නවා.. හුඩ් රැක් එකට බෑග් එක දානවා.. දොර වහනවා.. රියදුරා විසින් පැදගෙන යනවා..

මේ ක්‍රමයට ප්‍රවාහනය කරන්නේ කුඩාම වයසේ පාසල් දරුවන්.. මං දැකලා තියන විදියට කිලෝ මීටර් 2ක් විතර දුරක් මෙහෙම යනවා..
 
පෙට්‍රල් වියදමක් නැති නිසා බස් ගාස්තුව අඩුයි.. මොකද කොන්දොස්තර කෙනෙකුත් නැති නිසා.. එයාගෙ පඩියත් නැහැ.. එතකොට රියදුරාගෙ මහන්සිය සහ මේන්ටනන්ස් විතරයි.. ගාස්තුව මාසිකව ගෙවන්නෙ.. වාහනය පොඩි නිසා අම්මලාට යන්න බැහැනෙ..


මං හිතන්නෙ පොඩි උන් විනෝදෙන් යනවා.. මොකද? ඉස්කෝලෙදි ඉගන ගත්ත සින්දු එහෙම කිය කිය, ටටා කියකිය පාරෙ ඉන්න අයට කොලොප්පන් කර කර.. තමයි යන්නෙ..

මට නම් මේ දසුන හරියට මල් වෑන් එකක් දකිනවා වගේ..