Ramses II

Ramses II au Rameses Mkuu au Sese (1303 hivi - Julai au Agosti 1213 KK)^[1] alikuwa Farao wa Misri miaka 1279–1213 KK, wa tatu katika Nasaba ya 19 ya Misri ya Kale.

Mara nyingi anasifiwa kama Farao bora. Waandamizi wake na Wamisri wa baadaye walimuita "Mzee Mkuu".

Ramses II aliongoza majeshi yake mara kadhaa hadi Asia, ili kusisitiza himaya ya Misri juu ya Kanaani, lakini pia kusini hadi Nubia.

Tena alishughulikia sana ujenzi wa miji n.k. Pia kwa sababu hiyo, wengi wanaona ndiye Farao aliyepambana na Musa kadiri ya Biblia.

Ramses II alikuwa mfalme wa pili wa Nasaba ya 19 ya familia ya kifalme na alikuja kuwa miongoni mwa Mafarao wenye nguvu kuwahi kuwepo Misri.

Ramses II alipewa kiti cha Ufalme mapema kwenye umri wa miaka 20 akaongoza kati ya mwaka 1279 KK hadi alipofariki miaka 67 baadae (1213 KK) kwa maradhi ya mishipa, na ini. Hivyo aliongoza Misri kwa miaka 67 akiwa wa pili kuongoza kwa kipindi kirefu zaidi katika historia ya mafarao.

Mbali na Vita Ramses II anakumbukwa mno katika juhudi za utunzaji wa Historia ya Misri katika mahekalu ya Ramesseum pamoja na Abu Simbel. Kwa kumbukumbu nyingi muhimu zilizomo katika mahekalu haya kwa sanamu, zana za kale, michoro na maandishi zinamfanya Ramses kuwa mmoja wa mafarao muhimu wa Misri ya kale.

Jeshi la Ramses lilisaidia kulinda mipaka ya Misri kutoka kwa wavamizi na majambazi katika Mediterania na Libya pia kutoka Wahiti na Wanubia.

Pia alifanya kampeni za kurudisha ardhi iliyokuwa imeporwa na wavamizi kwa kusaini mikataba ya amani kabla ya kutumia nguvu kuwapiga.

Katika historia Ramses alishindwa vita mara moja tu! vita inayokumbukwa sana ni ile iliyofanyikia Kadesh (Syria ya leo) mwaka 1274 KK dhidi ya Wahiti. Vilikuwa vita vikubwa vilivyotumia zana za kisasa zaidi wakati huo katika historia ya vita vya kale. Ramses alifanya makosa kwa kugawa vibaya vikosi vyake, kitu kilichofanya kimojawapo kufyekwa chote! Hatimaye mpinzani akajitangazia ushindi na Ramses ikampasa arudi nyuma sababu ya kujiandaa kubaya na matatizo ya vifaa.

Vitabu kadhaa vya dini vimekuwa vikizungumzia kifo chake katika hali ya kushangaza, vikidai kuwa Ramses alifia kwenye maji wakati akiwafukuza Waisraeli. Wamisri wa kale wakipinga kabisa madai hayo na kudai Sese alifariki akiwa na miaka zaidi ya 87 kutokana na maradhi ya kibinadamu. Moja ya ushahidi ni wa Mwili/Mumia wa Sese ambao unaonekana wazi kuwa mtu huyo alifariki akiwa mzee kabisa!

Wengine wanaenda mbali zaidi kuwa Ramses mwili wake huwa hautaki kuzikwa! Kumbe huyo mwanzo alizikwa kwenye kaburi KV7 katika Bonde la Wafalme, lakini kwa sababu ya uporaji wa vitu vya thamani alivyokuwa amevishwa, makuhani walihamisha mwili kutoka eneo hilo na kuupeleka ndani ya kaburi la malkia Inhapy.

Miaka mingi baadaye waliuhamishia tena mwili kwenye kaburi la kuhani mkuu Pinudjem II. Yote hii ni sababu ya kumbukumbu katika hiroglifi.

Kutokana na matetemeko yaliyoikumba Giza miaka kati ya miaka 1000 hadi 1500 BK vitu vingi vilipotea huku baadhi ya sanamu zikiharibiwa vibaya na matetemeko hayo, na baadhi ya makaburi, majumba, na makumbusho mengine kupotea kabisa! Mwili wa Ramses II nao ukipotea katika matetemeko hayo.

Mwanzoni mwa miaka ya 1800, mwili huu ulipatikana tena pembezoni kidogo mwa Bahari ya Shamu.

Ramses II, hakufa kwenye Gharika ya Musa kama watu wanavyodai, mwili wake hadi sasa unathibitisha kuwa alikufa akiwa mzee, zaidi ya miaka 80 kwa maradhi ya kawaida.

Pia si mwili wa Ramses II tu uliopo kwenye makumbusho ya Misri, ni miili mingi ya Mafarao tofauti na baadhi ya watu walioishi kwenye Misri ya kale.

• Drews 1995, p. 54: "Already in the 1840s Egyptologists had debated the identity of the "northerners, coming from all lands," who assisted the Libyan King Meryre in his attack upon Merneptah. Some scholars believed that Meryre's auxiliaries were merely his neighbors on the Libyan coast, while others identified them as Indo-Europeans from north of the Caucasus. It was one of Maspero's most illustrious predecessors, Emmanuel de Rougé, who proposed that the names reflected the lands of the northern Mediterranean: the Lukka, Ekwesh, Tursha, Shekelesh, and Shardana were men from Lydia, Achaea, Tyrsenia (western Italy), Sicily, and Sardinia." De Rougé and others regarded Meryre's auxiliaries-these "peoples de la mer Méditerranée"- as mercenary bands, since the Sardinians, at least, were known to have served as mercenaries already in the early years of Ramesses the Great. Thus the only "migration" that the Karnak Inscription seemed to suggest was an attempted encroachment by Libyans upon neighboring territory."

^ Jump up to: a b c d e Drews 1995, p. 49.

• Gale, N.H. 2011. ‘Source of the Lead Metal used to make a Repair Clamp on a Nuragic Vase recently excavated at Pyla-Kokkinokremos on Cyprus'. In V. Karageorghis and O. Kouka (eds.), On Cooking Pots, Drinking Cups, Loomweights and Ethnicity in Bronze Age Cyprus and Neighbouring Regions, Nicosia.
• O'Connor & Cline 2003, p. 112-113.

Wikimedia Commons ina media kuhusu:

Ramses II

• Egypt's Golden Empire: Ramesses II
• Ramesses II
• Usermaatresetepenre
• Ramesses II Usermaatre-setepenre (about 1279–1213 BC)
• Egyptian monuments: Temple of Ramesses II
• List of Ramesses II's family members and state officials Archived 24 Julai 2008 at the Wayback Machine.
• Newly discovered temple Archived 24 Septemba 2008 at the Wayback Machine.
• Full titulary of Ramesses II including variants

Makala hii kuhusu mtu wa Biblia bado ni mbegu. Je, unajua kitu kuhusu Ramses II kama habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.