Kembang

Kembang nyaéta organ réproduktif tutuwuhan nu kaasup golongan angiosperm (tangkal kembangan; divisi Magnoliophyta). Fungsi kembang nyaéta pikeun ngahasilkeun siki tina réproduksi séksual.^[1] Pikeun tutuwuhan leuwih luhur, siki téh mangrupa turunan, nu jadi alat sumebarna hiji spésiés. Sanggeus ngalaman fértilisasi, kembang laju tumuwuh jadi buah nu ngandung sikina.

Morfologi kembang

Bagian-bagian kembang sampurna. 1. Kembang sampurna, 2. Hulu putik (*stigma*), 3. Gagang putik (*stilus*), 4. Gagang sari (*filament*, bagian tina benang sari), 5. Sumbu kembang (axis), 6. artikulasi, 7. Gagang kembang (*pedicel*), 8.Kelenjar nektar, 9. Benang sari (*stamen*), 10. Bakal buah (*ovum*), 11. Bakal siki (*ovulum*), 12. , 13. Bubuk sari (*pollen*), 14. Hulu sari (*anther*), 15. Perhiasan kembang (periantheum), 16. Makuta kembang (*corolla*), 17. Kongkolak kembang (calyx)

Kembang nyaéta tangkal sarta daun anu barobah (ngarandapan modifikasi). Modifikasi ieu dilantarankeun ku dihasilkeunnana sajumlah énzim anu dirangsang ku sajumlah fitohormon nu tangtu. Diwangunna kembang kalawan heureut dikadalikeun sacara génetik sarta dina réa wanda diinduksi ku parobahan lingkungan nu tangtu, kawas suhu nu handap, lilana panyinaran, sarta aya euweuhna cai.

Tuwuhan *Crateva religiosa* boga kembang sampurna: ngabogaan benang sari sarta putik.

Kembang disebut kembang sampurna lamun mibanda bagapurusa jalu (benang sari) sarta bagapurusa bikang (putik) sacara babarengan dina hiji awak (tangkal). Kembang anu kitu disebut kembang banci atawa hérmaprodit. Hiji kembang disebut kembang pepek lamun mibanda kabéh bagian utama kembang. Opat bagian utama kembang (ti luar ka jero) nyaéta:

Kongkolak kembang atawa calyx;
Makuta kembang atawa corolla anu biasana ipis sarta bisa warna-warni pikeun narik sarangga anu mantuan prosés némpélkeun bubuk (basa Indonésia: penyerbukan);
Bagapurusa jalu atawa androecium (tina basa Yunani andros oikia: imah jalu) mangrupa benang sari;
Bagapurusa bikang atawa gynoecium (tina basa Yunani gynaikos oikia: "imah bikang") mangrupa putik.

Alat réproduksi bikang nyaéta daun buah atawa carpellum anu dina puhuna ngandung bakal buah (ovarium) jeung hiji atawa leuwih bakal siki (ovulum, loba ovula) anu mawa gamet bikang) dina jero kantong émbrio. Dina tungtung putik aya hulu putik atawa stigma pikeun nampa bubuk sari atawa pollen. Gagang putik atawa stylus boga andil minangka jalan pikeun pollen nuju bakal buah.

Sanajan struktur kembang anu digambarkeun di luhur mangrupa struktur tuwuhan anu "umum", spésiés tuwuhan némbongkeun modifikasi anu pohara rupa-rupa. Modifikasi ieu dipaké para ahli botani pikeun néang hubungan antara hiji tuwuhan jeung anu séjénna. Contona, dua subkelas tina pepelakan kembangan dibédakeun ku jumlah alat kembangna: tuwuhan dikotil umumna miboga 4 atawa 5 alat (atawa kalipetan 4 atawa 5) sedengkeun tuwuhan monokotil mibanda tilu alat atawa kalipetanana.

Fungsi kembang

Kembang dina patamanan jeung hortikultur

Kembang dina kasenian

Kembang dina kahirupan sapopoé

Kembang salaku lambang

Ngaran kekembangan

kembang awi: eumbreuk
kembang bako: bosongot
kembang bawang: ulated
kembang bolang: ancal
kembang boléd: tela
kembang cabé: bolotot
kembang cau: jantung
kembang céngék: péncéngés
kembang cikur: jelengut
kembang eurih: ancul
kembang gedang: ingwang
kembang génjér: gélényé
kembang hoé: bubuay
kembang honjé: combrang
kembang jaat: jalinger
kembang jambé: mayang
kembang jambu aér: lenyap
kembang jarak: uing
kembang jéngkol: merekenyenyen
kembang jeruk: angkruk/angkes
kembang jotang: puntung
kembang kadu: olohok
kembang kalapa: suligar
kembang peuteuy: pendul
kembang kaso: curiwis
kembang kawung: pengis
kembang konéng: badul
kembang kulur: pelepes
kembang laja: jamotrot
kembang leunca: pengit
kembang limus: seleksek
kembang lopang: cacas
kembang muncang: rinduy
kembang pare: ringsang
kembang salak: sedek/gojod
kembang sampeu: dingdet
kembang taleus: ancal
kembang tangkil: uceng
kembang térong: moncorong
kembang tiwu: badaus
kembang waluh: aléwoh

Rujukan jeung tumbu kaluar

Rujukan
- éames, A. J. 1961. Morphology of the Angiosperms. McGraw-Hill Book Co., New York.
- Esau, K. 1965. Plant Anatomy, 2nd Edition. John Wiley & Sons. 767 pp.
Tumbu kaluar
- 120 photos of flowers from Europe and USA Archived 2005-07-22 di Wayback Machine
- Flower Anatomy Archived 2005-08-28 di Wayback Machine
- Flower Council of Holland Archived 2011-10-30 di Wayback Machine.
- Flower Encyclopedia
- Flowering Archived 2006-02-07 di Wayback Machine in Kimball's Biology Pages Archived 2006-04-09 di Wayback Machine
- The Flowers Archived 2005-08-17 di Wayback Machine
- House Flowers Council Archived 2005-12-01 di Wayback Machine.
- William Blake: Ah Sun-Flower
- Flowers Archived 2005-12-14 di Wayback Machine at the Development Wiki of Consumerium Project
- Yellowikis Archived 2005-11-22 di Wayback Machine list of Florists and Flower shops.
- Free flowers photos

Dicutat tina

↑ Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen.

Artikel ngeunaan biologi ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.

[”Rig”-1] Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen.

[1]