Nùmmuru pirfettu

Nu nùmmuru pirfettu è nu nùmmuru chi è uguali â somma dê sò divisura (senza cuntari iddu stissu comu divisuri). Pi esempiu

6=1+2+3

o

28=1+2+4+7+14

sunnu nùmmura pirfetti.

Sapièmu ca li nùmmura pirfetti pari sunnu sulu chiddi di la forma

${\displaystyle n=2^{p-1}\cdot (2^{p}-1),}$

unni ${\displaystyle p}$ è nu nùmmuru primu tali ca ${\displaystyle 2^{p}-1}$ è nu nùmmuru primu di Mersenne, e perciò nzinu a oggi si ni canusciunu 49, quantu li nùmmura primi di Mersenne. Sapièmu puru chi si ${\displaystyle n}$ è nu nùmmuru pirfettu sparu, allura havi a aviri armenu 8 fattura primi ntâ sò scumposizzioni. Si penza ca di nùmmura pirfetti spari nun esistunu propria, ma sta cungittura nun ha statu ancora dimustrata.

Nun si sapi siddu esìstunu infiniti nùmmura pirfetti, né siddu esistunu nummura pirfetti spari.

• Nùmmuru abbunnanti
• Nùmmuru difittivu
• Nùmmuru praticu