"Partitu Sucialista dî Siciliani" : Diffirenzi ntrê virsioni

Lu Partitu Sucialista di li Siciliani ('n talianu Partito Socialista dei Siciliani) o PSdS è nu partitu pulìticu sicilianu funnatu lu 21 di Maju di lu 2013, nti l'uccasioni di lu 120° annivirsariu di li Fasci siciliani e s'allìa a la spirienza di lu vecchiu Partitu Sucialista Sicilianu ca fu parti mpurtanti di la rivota. E' nu partitu ca porta avanti li idei di lu Sucialìsimu e nti lu stissu tempu di lu Sicilianìsimu, senza pi chissu vuliri èssiri isulazziunista e arristannu fidili a lu ntirnazziunalìsimu e a l'idea di n'Europa di li pòpuli e no sutta lu duminiu di li banchi. Lu Partitu voli attuari lu Statutu d'autonumìa sicilianu 'n chiavi sucialista e voli èssiri puntu di rifirimentu 'n Sicilia pi tutti chiddi ca crìdinu nti li idei di la sinistra.

Lu 21 di maju 2013, doppu nu sit-in p'arricurdari li Fasci Siciliani, a Palermu, li participanti si spustaru a lu Palazzu di li Aquili, unni si tinni na Riunioni di li funnaturi, d'unni lu Partitu Sucialista di li Siciliani vinni dichiaratu funnatu e vinni stituiutu nu Cumitatu di Dirizzioni Pruvisoriu di 9 mèmmira, ca havi lu còmpitu di purtari avanti lu partitu avveri lu primu cungressu custituenti ca s'ha tèniri dintra l'annu 2013.

Di lu Cumitatu di Dirizzioni Pruvisoriu fannu parti genti ca vèninu di lu vecchiu Partitu Sucialista Talianu (ex PSI), di lu sicilianisimu, di li sinnacati e di l'ambienti univirsitariu, li 9 mèmmira sunnu:

• Fabio Cannizzaro
• Antonio Matasso
• Giuseppe Coniglione
• Ignazio Buttitta
• Franco Gioia
• Leonardo D'Angelo
• Ignazio Coppola
• Turi Lombardo
• Nino Gennaro.

• LinkSicilia - E' nato il Partito Socialista dei Siciliani