Грачка

Грачка є річ про гру дїтей, але даколи і дорослых. Служыть на упутаня позорности дїтины, єй забавлїня, ці припадно к розвиваню єй моторічных і псіхічных способностей. Грачкы єствують уж тісячі років. Бабикы, звірята, воячкы і мініатуры інштрументів доспілых суть находжаны в археолоґічных выкопавках уж од непамятї. Інкове мали наприклад грачку на колесах і наперек тому, же їх култура колесо не хосновала. В 20. сторочу дішло к масовій продукції грачок.