Giura bernais
Il Giura bernais (franzos Jura bernois, tudestg Berner Jura) è ina regiun francofona en il chantun Berna che dumbra var 52'000 avdants. Il lieu principal tradiziunal da la regiun è Moutier, la sedia dal represchentant da la regenza sa chatta a Courtelary.[1]
Suenter la separaziun dal chantun Giura dal chantun Berna l'onn 1979 consistiva il Giura bernais anc dals districts da Courtelary, Moutier e La Neuveville. En il rom da la refurma chantunala da l'administraziun decentrala han ins fusiunà il 1. da schaner 2010 ils trais districts al circul administrativ dal Giura bernais. Lez è congruent cun la regiun administrativa da medem num.
Dal puntg da vista geologic appartegna il Giura bernais al Giura faudà.
I dat in moviment che s'engascha per l'annexiun al chantun Giura che fin uss n'ha betg gì success en votaziuns dal pievel. La pitschna vischnanca da Vellerat, che suenter la separaziun dal chantun Giura era isolada geograficamain dal rest dal chantun Berna, ha pudì midar tar il chantun Giura, quai suenter ina votaziun dal pievel naziunala il 1996.
Avegnir
[modifitgar | modifitgar il code]Ils 24 da november 2013 vegn il suveran en il Giura bernais ed il chantun Giura a votar sch'il Giura bernais duai restar tar il chantun Berna u midar tar il chantun Giura.[2][3]
Literatur
[modifitgar | modifitgar il code]- Alain Charpilloz: Irrland Jura. Südjurassier im Konflikt. Zytglogge, Gümligen 1977, ISBN 3-7296-0064-8.
- Marcel Schwander: Jura – Ärgernis der Schweiz. Pharos-Verlag, Basel 1971.
Colliaziuns
[modifitgar | modifitgar il code]- Berner Jura en il Historisches Lexikon der Schweiz
- Berner Jura Tourismus
- mémreg/Regionales Gedächtnis: Internetportal für historische Dokumente aus der Region Biel, Seeland und Berner Jura
Notas
[modifitgar | modifitgar il code]- ↑ http://www.jgk.be.ch/jgk/de/index/direktion/organisation/rsta/gemeinden_regierungsstatthalteraemter/jura_bernois.html Consultà ils 17 da schaner 2012
- ↑ Jura-Frage: Charmeoffensive der jurassischen Regierung. Neue Zürcher Zeitung dals 5 da zercladur 2013. Consultà il 22 d'avust 2013.
- ↑ Jura-Abstimmung: Perrenoud warnt vor taktischen Ja-Stimmen. Der Bund dals 9 da fanadur 2013. Consultà ils 22 d'avust 2013.