Bartromé (apòstol): Diferensa tra revision

Bartromé a l'era un dj'apòstoj ëd Gesù ëd Nàsaret. A l'é belfé ch'a sia da identifiché con col ciamà ëdcò Natanael; an efet Bartromé a veul dì fieul ëd Tolomé.

A l'era originari ëd Cana an Galilea, anté che ancor dël di d'ancheuj na cesa ëd forma ëd cros a l'é consacrà a chiel. Conforma a la tradission, sò apostolà a l'é stàit motobin fosonant e a-j son atribuije dij longh viage missionari. Eusebi ëd Cesarea a fortiss che Panteno a l'ha trovà an India l'evangeli ëd Maté an arameo, ch'a sarìa stàit portà ambelelà da Bartromé. Ëdcò an Giròni as artreuva s'anformassion, bele che lòn ch'as antenda con India a l'é pa tut afàit ciàir.
D'àutre sorgiss an fan savèj che Bartromé a l'ha convertì ij licaonian e an conto d'un-a ëd soe mission an Asia Minor, ch'a l'avrìa mnalo an Mesopotamia e an Partia; rivà an Armenia e apress avèj convertì ël frel dël re e esorcisà soa fija, a l'avrìa patì ël suplissi për órdin dël sucessor ëd chiel-sì, ël re Astiage.

Le tradission a diferisso a propòsit ëd sò martiri: crocifission, decapitassion, scortiament.