Stat Unì d'América

Jë Stat Unì d'América (United States of America ò USA an anglèis) a son un pais dl'América setentrional.
A confin-o a nòrd còn ël Canadà e a sud con ël Méssich.
A son bagnà a est da l'Océan Atlàntich e a òvest da l'Océan Passìfich.

La capital a l'é Washington.

A l'han na surfassa ëd 9.834.000 km² e na popolassion d'apopré 329,3 milion d'abitant, scond ël censiment ch'a l'é tnusse dël 2019. Ëd costi, 196,8 milion (63,7%) a son ëd bianch, 50,4 milion (16,4%) a son d'adoss ispànica e a son ciamà ij Latinos, 38,9 milion (12,6%) a son ëd négher. Ël 12% ëd j'abitant a son nassù fòra d'jë Stat Unì.
La speransa ëd vita dj'abitant a l'é dë 79 agn.

La prima colonisassion a l'é stàita dël 1621.
Jë Stat Unì a son indipendent dal 1776. Dël 1789 a l'han adotà na constitussion.

• La guèra spagneula-merican-a dël 1898

Dël 2012 ël 2,79% dël prodot anterior ëspòrch a l'é stàit dedicà a l'arserca e al dësvlup.

Jë Stat Unì d'América a son na federassion ëd 50 stat pì un distret federal andoa a-i é la capital (Distret ëd Columbia).
Ël president a l'é Joe Biden (dal 20 ëd gené dël 2021).

• Wikimedia Commons a conten figure o àutri archivi su Stat Unì d'América