Reiaume de Vilcacamba

Lo Reiaume de Vilcacamba es lo nom donat a l'estat inca format per Manco Inca après la conquista de Cuzco e de la màger part de l'Empèri Inca per leis Espanhòus dins lo corrent deis annadas 1530. Format après la revirada de la revòuta de Manco Inca, sa localizacion precisa es desconeguda mai Vilcacamba es generalament situada dins lei seuvas d'accès malaisat situadas au nòrd e a l'oèst de Cuzco^[1]. Fondat per un subrevivent de la dinastia reiala inca, se considerava coma la continuacion de l'Empèri Inca e sei caps gardèron lo títol de Sapa Inca. Resistiguèt fins a 1572 e sa conquista definitiva per leis Espanhòus.