Olga de Kiev
Olga de Kiev (vèrs 890, Pskòv - 969, Kiev) es una rèina de la Rus' de Kiev qu'assegurèt la regéncia de 945 a 962 entre la mòrt de son marit, Igor de Kiev (912-945), e lo començament dau rèine personau de son fiu, Sviatoslav Ièr (962-972). Comencèt son rèine en reprimissent violentament la revòuta dei Drevlianas qu'èra a l'origina de la mòrt d'Igor de Kiev. Puei, adoptèt una politica d'estabilizacion e de renforçament de l'Estat que la menèt a desvolopar l'aliança amb Constantinòble e a combatre leis incursions dei Pechenegs. Per aquò, foguèt ajudat per son fiu que menèt plusors campanhas militaras mai la laissèt dirigir leis afaires kievans. Olga es tanben conegut per sa conversion au cristianisme e per sa canonizacion rapida après sa mòrt.
