Lincoln (automobila)

La companhiá foguèt fondada en 1917 per Henry M. Leland, um dels fondadors de Cadillac. Aqueste daissèt la division Cadillac de General Motors pendent la Primièra Guèrra Mondiala e formèt la Lincoln Motor Company per bastir de motors pels avions Liberty. Après la guèrra las fabricas de la companhiá se re-equipèron per la manufactura d'automobilas.

La companhiá coneguèt de problèmas financièrs grèus pendent la transicion, e en consequéncia foguèt crompada per la Ford Motor Company en 1922, que possedís encara e manufactura d'automobilas jos la marca Lincoln dins sa division Lincoln-Mercury. La crompa de Lincoln foguèt un trionf personal per Ford, qu'èra estat obligat a daissar la siá segonda companhiá per un grop d'investisseires menats per Leland. Ironicament aquesta companhiá foguèt mai tard renomenada Cadillac. Lincoln venguèt rapidament una de las marcas nòrd-americanas de luxe amb de vendas màgers amassa amb Cadillac e Duesenberg. En 1927 Lincoln adoptèt a un can coma emblema, lo qual seriá remplaçat mai tard per un diamant.

 

Amb la Lincoln Zephyr sortida en 1936, Lincoln introdusiguèt un dessenh mai esportiu e la Zephyr venguèt gaireben una marca distinta, en luòc d'èsser sonque un modèl. Foguèt produita entre 1936 e la Segonda Guèrra Mondiala, la siá produccion s'acabèt en 1942. Après la Zephyr de 1939 Edsel Ford comencèt de trabalhar sul projècte de la Lincoln Continental, qu'anava venir fin finala lo modèl mai important fach per Lincoln. A la debuta Edsel Ford voliá una veitura per menar pendent sas vacanças en Florida. Edsel voliá una automobila d'estil europèu amb un design desparièr de las formas carradas que la companhiá de son paire produsissiá. La Continental foguèt presada e los plans per la siá produccion e venda foguèron aprovats.

 

Lo Continental Mark II foguèt la renaissença del concèpte. Aqueste veïcul foguèt produsit per la division Continental entre abril de 1955 e julhet de 1956 abans de qu'aquesta torne a la marca Lincoln. La Mark II aviá un prètz basic de 10.000 Dolars, a l'ora d'ara 70.000 en considerant l'inflacion, lo meteis prètz qu'una Rolls-Royce del meteis an. La Mark II lancèt una caracteristica fòrça imitada per d'autras automobilas nòrd-americanas de luxe: La ròda de recambi amagada per una motladura sus la pòrta de la mala (sonada per sos detractors "cabucèl de pobèla").

 

La division Edsel recentament creada foguèt fusionada amb Lincoln-Mercury en genièr de 1958 per formar la division Mercury-Edsel-Lincoln fins a çò qu'Edsel foguèsse arrestat en 1960. La Lincoln Continental venguèt lo modèl insignia de Lincoln fins qu'en 1981, la Lincoln Town Car prenguèsse sa plaça.

 

Recentament en 1998 Lincoln èra la marca de luxe amb las ventas magèrs als Estats Units, mercé en granda part a la capitada del VUD Navigator, e a un dessenh novèl de la Town Car e de la Continental. Tanben en 1999 s'introdusiguèt la gamma de sedanes LS, dessenhada per concurrençar de modèls coma lo Mercedes-Benz Classa E, amb de motors V6 e V8. En d'ans recents la companhiá demorèt darrièr de los sieus concurrents japoneses, europèus e nòrd-americans fauta de nòus modèls. La companhiá trabalha per i remediar amb l'introduccion de modèls amb las plataformas e de parts de las autras divisions de Ford al nivèl mondial en ensajant de portar de nòus modèls sul mercat rapidament. En 2003 lancèron sul mercat lo VUD de talha mejana Aviator basat sus la Ford Explorer e tornèron dessenhar son lider de vendas: lo Navigator. La companhiá promet mai de cinc nòus modèls entre los ans 2004 e 2008 e comencèt ja amb l'arrivada del pick-up Mark LT basat sus la Ford F-150, la sedan Zephyr e lo MKX en remplaçament a l'Aviator. Tanben lo lançament del nòu sedan de granda talha MKS en 2009. E sonque als Estats Units, l'introuduccion d'un crossover familial de 7 plaças sonat MKT, basat sul crossover american de Ford, lo Flex.