Tardigrada

Tardigrada

Dos individús de l'espècia Hypsibius dujardini vist al microscòpi electronic.

Classificacion

Règne	Animalia
Sosrègne	Bilateria
Infrarègne	Protostomia
Superembr.	Ecdysozoa

Embrancament

Tardigrada
Spallanzani, 1777

Los tardigrads o orsons d'aiga (de l'alemand kleiner Wasserbär) son d'animals minusculs multicellulars. Forman un embrancament zoologic a part entièra : lo phylum tardigrada fòrt pròche dels artropòdes. L'orson d'aiga es descrich en primièr per Johann August Ephraim Goeze en 1773; lo nom de tardigrad que significa « caminaire lent » es balhat per Lazzaro Spallanzani en 1777.

Los tardigrads mesuran un pauc mai de 1 mm en mejana e son d'animals que pòdon subreviure dins de mitans fòrça ostils (temperaturas de −272 a 150 °C e pressions fins a 6 000 atm, mitan anidric o expausat als raionaments X o ultraviolets, void espacial). Privats d'aiga e de manjar, se replegan en criptobiòsi, çò que significa que los processuses metabolics observables representan pas mai de 0,01 % de la normala (semblan doncas en estat de « mòrt clinica »), mas se reviscolan (lo metabolisme repartís) tre que las condicions o permeton^[1].

Los tardigrads an un còs segmentat en quatre protegit per una cuticula e son dotats de uèch patas pichonas acabadas caduna per d'àrpias.

• 1000 espècias a aqueste jorn repartidas en tres òrdres.

• Tardigrada (classificacion filogenetica)
• Fotoguida taxinomic del mond animal

1. ↑ . FranceCulture.fr..

• Referéncia Fauna Europaea : Tardigrada (en)
• Referéncia ITIS : Tardigrada (fr) (+ version anglesa (en))
• Referéncia Animal Diversity Web : Tardigrada (en)
• Referéncia NCBI : Tardigrada (en)
• Filmes e imatges del tardigrad Hypsibius dujardini
• TARDIGRADA NEWSLETTER
• Autra presentacion del tardigrad

• Portal de la zoologia