Felipe Guamán Poma de Ayala
Felipe Guamán Poma de Ayala (vèrs 1530-1550 - vèrs 1615) foguèt un cronicaire perovian de l'acomençament dau periòde coloniau. Son òbra principala intitulada El primer nueva corónica y buen gobierno (« La premiera crònica novèla e lo govèrn bòn » en occitan) es una suplica lònga adreiçada au rèi d'Espanha depintant lei condicions de vida terriblas deis Amerindians. Descubèrta en 1908 dins leis Archius Reialas de Danemarc, son òbra es una fònt importanta per l'estudi de la societat inca.