Hällefors

59°47′1.6512″N 14°31′17.483″E / 59.783792000°N 14.52152306°E / 59.783792000; 14.52152306

Hällefors er ein tettstad og kommunesenteret i Hällefors kommun, Örebro län. Hällefors er ein liten stad med grøn natur og dyreliv. I Hällefors sentrum kan ein finne alt frå apotek til bibliotek, frisersalongar, bank, politi og systembolag under eit og same tak. Dette bygget heiter Centrumhuset. Der ligg òg turistbyrå i same lokale som biblioteket. I Hällefors finst òg museet Formens hus.

Pihlskolan Gymnasium ligg i sentrale Hällefors. Dei har spesialinnretingar som m.a. Industriprogrammet (Gymnasietekniker), Naturbruk med sportfisketurisme og Hotell og restaurant. Dei tre programma har riksinntak. Det finnast òg Barn och Fritids-programmet og Kultur-programmet.

Kulturskolan lærer bort teater, dans, bild, fotografi og musikk.

Hellefors Bryggeri, sidan april 2008 eigd av Spendrups bryggeri, ligg mellom Hällefors og Grythyttan. Stålkonkernet Ovako har anlegg i Hällefors likesom Stora Enso som har ein stor terminal for omlasting av trevirke frå lastebil til tog. Like nord for staden ligg badeplassen Sången.

Hällefors har òg ein folkehøgskule som gjev kurs i mellom anna formgjeving, smykkekunst, teater, scenografi og kultur.

Hällefors har gjeve namn til hunderasen Hälleforshund.

Utanfor Hällefors ligg den eldste folkeparken i Sverige, Krokbornsparken, i dag eit byggminne.

• Torgny Mogren
• Ulrica Messing
• Torbjörn Länk

• Mästarnas Park

Denne artikkelen treng referansar for verifikasjon. Du kan forbetra artikkelen ved å leggja inn referansar til pålitelege kjelder. Kven som helst kan fjerna kjeldelaust materiale utan forvarsel, men den føretrekte tilnærminga er i første omgang å markera dei setningane/påstandane som treng kjeldebelegg ved å tilføya {{tr}} etter påstanden.