Eldar Qasımov

Eldar Qasımov
Leyla Əliyeva, Eldar Qasımov og Nərgiz Birk-Petersen.
Fødd	4. juni 1989
Fødestad	Baku i Den aserbajdsjanske sosialistiske sovjetrepublikken (no Aserbajdsjan)
Fødenamn	Eldar Qasımov
Alias	Eldar
Opphav	Aserbajdsjan
Aktiv	2010–i dag
Sjanger	pop, soul
Instrument	piano, vokal
Tilknytte artistar	Nigar Camal
Verka som	songar, programleiar
Prisar	Honorary Diploma of President of Azerbaijan Republic, Man of the year

Eldar Qasımov (fødd 4. juni 1989) er ein aserbajdsjansk songar. Han er med i duoen Ell & Nikki, saman med Nigar Camal.

Ell & Nikki representerte Aserbajdsjan i Eurovision Song Contest 2011 med songen «Running Scared» og enda på andreplass med 122 poeng i den fyrste semifinalen og vann med 221 poeng i finalen.

21. januar 2012 var han éin av fem musikarar frå Aserbajdsjan som deltok i ein internasjonal jury i Dansk Melodi Grand Prix 2012, den danske uttakinga til Eurovision Song Contest 2012 i Baku i Aserbajdsjan.^[1]

Saman med Leyla Əliyeva og Nərgiz Birk-Petersen var han programleiar for Eurovision Song Contest 2012 som vart arrangert i den aserbajdsjanske hovudstaden Baku. I den andre semifinalen framførte han vinnarbidraget til den svenske gruppa ABBA frå 1974, «Waterloo», saman med Nigar Camal, Lena, Alexander Rybak, Dima Bilan og Marija Šerifović.^[2] Han opna finalen saman med Nigar Camal då dei framførte sitt eige vinnarbidrag frå 2011, «Running Scared».

• 2011: Running Scared (med Nigar Camal)
• 2012: Birlikdə nəhayət
• 2012: I'm Free