Innozenz XII.

Innozenz XII., bürgerlich: Antonio Pignatelli, (* 13. Juni 1615 in Neapel; † 27. September 1700 in Rom) weer van 1691 bit 1700 Paapst.

Pignatelli, en Angehöriger vun de neapolitaansch Aristokratie, wurr in dat Jesuiten-Kolleg in Rom optrucken. He is in de karklich Hierarchie upsteegen un wurr vun Päpsten fördert: Urban VIII. hett hüm 1635 to'n Prolegaten vun Urbino nömmt, Innozenz X. to'n Nuntius in Florenz, Alexander VII. to'n päpstlichen Legaten in Polen, Clemens IX. denn to'n päpstlichen Nuntius in Wien. 1681 hett hüm Paapst Innozenz XI. to'n Kardinal vun de Titelkark San Pancrazio un Arzbischop vun Neapel nömmt.

As Papst Alexander VIII. storven weer, keem dat in dat Konklave to Striedigkeiten tüschen de spaansch-kaiserlichen un de franzöösch Partei vun de Kardinäle. An' 12. Juli 1691 wurr Antonio Pignatelli as Kompromisskandidat to'n neen Paapst wählt.

Sien Pontifikat fung Innozenz XII. mit verscheeden Reformen an. So hett he mit de Bulle Romanum decet Pontificem den Karkenstaat reformeert, indem he de Utstattung vun päpstlich Verwandten mit Ämtern inschränken dee; tosätzlich hett he de gerichtlichen Bestrafungen in Rom scharper maakt.

Ebenfalls streev he dornah, de Disziplin in den Mönksklöstern weer hertostellen. Dat stött aber besünners bi de Mönken up düchtig Kritik. Tosätzlich zentraliseer he mit de in Richtung vun de Curia Innocentiana de röömschen Behörden un Gerichte.

Bi de Bevölkerung vun den Karkenstaat weer Innozenz XII. bannig beleevt, man hett hüm den Vader vun de Armen nömmt. Dat he so ansehn weer, harr he sien sozial Instellung to verdanken, wiel he en Deel vun de karklich Gelder för karitative Zwecke insetten dee. So hett he de Stadt Cervia an en nee, gesünderen Standoort uprichten laaten.

Nahdem Paapst Gregor XIII. in dat 16. Johrhunnert den Klenner reformeert harr, wurr de Johreswessel in wiet Deelen vun Europa dennoch an ünnerscheedlich Daag begahn; neben den 1. Januar weer vör allen de Wiehnachtsdag (25. Dezember) faken de Dag för den Johreswessel, hier wurr de Tiet bit to’n 1. Januar as Tüschen de Johren betekent. Innozenz XII. legg dorgegen 1691 fast, dat de 31. Dezember as letzt, de 1. Januar as eerst Dag vun en Johr to gellen harr.

Den König Karl II. von Spanien hett he dorto raaden, de Hartog vun Anjou, den Enkel vun Ludwig XIV., as Arv vun sien Riek intosetten, wat aber den Spaanschen Arvfolgekrieg nich verhinnern kunn.

• Renata Ago: Innocenzo XII. In: Massimo Bray (Hrsg.): Enciclopedia dei Papi, Istituto della Enciclopedia Italiana, Band 3 (Innocenzo VIII, Giovanni Paolo II), Rom 2000, OCLC 313581724 (italieensch)
• Michael Tilly: Innozenz XII. In: Biographisch-Bibliographisches Kirchenlexikon (BBKL). Band 2, Bautz, Hamm 1990, ISBN 3-88309-032-8, Sp. 1303–1305.

Innocentius XII. Mehr Biller, Videos oder Audiodateien to’t Thema gifft dat bi Wikimedia Commons.

• [1] Druckschriften vun un över Innozenz XII. In dat VD 17
• [2] Catholic Encyclopedia (engelsch)