Daniel Little McFadden

Daniel Little McFadden (* 29. Juli 1937 in Raleigh, North Carolina) is en US-amerikaansch Ökonometriker.

McFadden kreeg 2000 tosommen mit James Joseph Heckman den Pries för Wertschaftswetenschapen van de sweedsch Rieksbank in‘ Gedenken an Alfred Nobel för de Entwicklung van Theorien un Methoden to de Analyse van diskret Entscheedungen tospraaken.

McFadden kreeg en B.S. in Physik un 1962 en Dokter in Verhollenswetenschapen van de University of Minnesota, wo Leonid Hurwicz en van sien Lehrer weer. Af 1964 hett McFadden an de University of California, Berkeley arbeit, an de he van 1969 bit 1979 en Professur för Wertschapswetenschapen inneharr. Van 1977 bit 1991 weer he Perfesser an dat Massachusetts Institute of Technology in Cambridge (Massachusetts). Siet 1991 is he weer Perfesser in Berkeley mit Swoorpunkt up computational statistics un Direkter van dat Econometrics Laboratory, siet 2011 todem Perfesser an de University of Southern California

2005 weer McFadden wählt Präsident van de American Economic Association.^[1]

McFadden hett to ökonometrisch Methoden för diskrete Entscheedungen forscht. En Bispeel is dat Logit-Regressionsmodell. Diskrete Entscheedungen teeken sück dör en inschränkt Antall van Mögelkeiten ut, de sück binär modelleeren laaten. En 1 stunn etwa för „Ereignis is intreeden“ un en 0 för „Ereignis is nich intreeden“. Bispeelswies lett sück ünnersöken, of en Individuum arbeit, un nich as tovör, wu völ Stünnen dat arbeit.

Mit Logit-Modellen laaten sück aber ok Wohrschienlichkeiten bzw. relative Häufigkeiten modelleeren, wiel de numerisch tüschen 0 (=0% relative Häufigkeit) un 1 (=100% relative Häufigkeit) swanken. Bispelen dorför sünd Wahlergevnisse oder de Inträewohrschienlichkeit van Natuurkatastrophen. En van den eersten groot empirischen Gebruuk van dat Logit-Modell weer dorher McFadden sien Studie to de Grünnen van de Nahverkehrssellschopp Bay Area Rapid Transit in San Francisco Midden van de 1970er Johren.^[2]

• 1975: John Bates Clark Medal
• 1977: Liddmaat van de American Academy of Arts and Sciences
• 1981: Liddmaat van de National Academy of Sciences
• 1986: Frisch-Medaille van de Econometric Society (mit Jeffrey A. Dubin)^[3]
• 2000: Nobelpries för Wertschapswetenschapen, tosommen mit James Joseph Heckman
• 2002: Richard-Stone-Pries (tosommen mit Kenneth Train)^[4]

Heckman mit de Sozialogin Lynne Pettler-Heckman verheiraadt, mit de he twee Kinner hett: Jonathan (* 1982), Physiker an de University of Pennsylvania, un Alma (* 1986), Assistenzperfessersche för Geschichte an de University of California, Santa Cruz.

1. ↑ engelsch, afropen an’ 21. Oktober 2015 Past and Present Officers; aeaweb.org (American Economic Association)
2. ↑ Kiek Afsnitt 3.1 ut Kenneth Train sien Book Discrete Choice Methods with Simulation.
3. ↑ [1], Awards; econometricsociety.org, afropen an’ 16. August 2015 (engelsch)
4. ↑ [2] Journal of Applied Econometrics - Richard Stone Prize, (engelsch), afropen an’ 29. Dezember 2015

Daniel Little McFadden. Mehr Biller, Videos oder Audiodateien to’t Thema gifft dat bi Wikimedia Commons.

• Homepage van McFadden, Berkeley University
• Daniel McFadden up de Sieden van den Nobelpries (engelsch)
• Kenneth Train sien Book Discrete Choice Methods with Simulation (kann man ahn Kösten rünnerlaaden). Train weer Schöler van McFadden.