Borgfeld
| Oortsdeel vun Bremen Borgfeld | ||
|---|---|---|
| ||
| Wat to seggen is | Rang | |
| Flach: | 16,63 km² | 7/23 |
| Inwahners: | 7.402 | 19/23 |
| Inwahnerdicht: | 445 Inwohners/km² | 19/23 |
| Andeel Butenlänners: | 4,3 % | 21/23 |
| Arbeitslosenquoot: | 5,7 % | 23/23 |
| Wannehr: | Midde 2005 | |
| Ortsdelen: | ||
| Website: | Ortsamt Borgfeld | |
| E-Mail-Adresse: | ||
Borgfeld is en Oortsdeel vun Bremen un höört to den Bezirk Oost. Dor wahnt hüdigendags 7.402 Inwahners. Borgfeld warrt as en ländlichen un bogerlichen Oortsdeel ansehn un steiht in den Soziolindex vun Bremen tohopen mit Överneeland un Habenhusen ganz bavenan.
Borgfeld sülvs liggt an’t Süüdöver von de Wümme, en Deel von’n Oortsdeel reckt aver ok op dat Noordöver. Dor doot de Öörd Warf, Butendiek, Timmersloh, Verenmoor un Ebbensiek liggen. Butendiek un Ebbensiek höört blots to’n Deel to Borgfeld un to Bremen. De annere Deel liggt in Neddersassen.
Historie
[ännern | Bornkood ännern]In dat Johr 1235 steiht de Naam vun Borgfeld dat eerste Mol in en Urkunn schreven. 1384 warrt to'n eersten Mol wat över de Borgfelder Kark upschreven. 1627 kaamt in den Dartigjöhrigen Krieg den Kaiser siene Truppen na Borgfeld un leggt de Karken to'n Deel in'n Dutt. Achterher sünd de Klocken weg. 1640 warrt de Toorn in Fackwark nee boot. Nee Klocken kaamt dor ok to. 1666 kriggt Bremen Borgfeld ganz in'e Hannen. Bit 1945 is Borfeld nu en Landgemeende in dat Bremer Landgebiet. 1945 kümmt dat denn na de Stadt Bremen mit to. In Borgfeld hett de dormolige Bremer Börgermeester Wilhelm Kaisen en Huus harrt un bito en beten Bueree bedreven. Sien Huus is hüdigendags en lüttjet Museum.
Grundschool Borgfeld
[ännern | Bornkood ännern]De eerste School geev dat in Borgfeld al üm 1500 rüm. Dormols hett de Köster den Ünnerricht geven. Dat hüdige Schoolhuus is 1880 boot wurrn. Mit de Tiet is dor avers allerhand anboot wurrn.
Naturschutz
[ännern | Bornkood ännern]Dat Naturschutzrebeet Borgfelder Wümmewischen is mit 677 ha dat gröttste Naturschutzrebeet in Bremen. Dor hett de WWF de Upsicht över. In’n Oosten an de Grenz vun dat Land slutt sik dat NSR Fischerhuder Wümmewischen an. Dor hett de Landkreis Veern de Upsicht över.
Weblinks
[ännern | Bornkood ännern]- Borgfeld auf www.bremen.de
- [1]Bund- Bremen/Borgfelder Wümmewiesen
Blockland | Blomendal | Borgfeld | Borglesum | Findörp | Gröpeln | Habens | Hemeln | Hoorn-Lehe | Huchten | Midden | Neestadt | Ööstliche Vörstadt | Överneeland | Övervieland | Oosterholt | Seehusen | Swachhusen | Stroom | Vahr | Vegesack | Walle | Woltmershusen