Austrasien

Austrasien oder ok Austrien (vun lat.: Austrasia oder Auster) weer de Naam for den ööstlichen Deel vun dat Frankenriek, gegen dat Westriek Neustrien over. Dat kann woll seggt weern, dat in Austrasien de Weeg vun dat Huus vun de Karolingers in stahn hett.

Austrasien (also Land in'n Oosten) weer vun Chlodwig I. sien Dood in dat Johr 511 af an bit to Pippin den Jüngeren de meiste Tied en sülvstännig Deel-Königriek vun de Franken. De Hööftstadt weer Metz. To dat Riek hören de fränkschen Gemarken um Rhien, Maas un Mosel to. Blangen Metz weern dat de Städer Reims, Köln un Trier. Dor keem denn noch all dat Land to, wat vordem to de Germanenstämm tohöört harr, de nu unner de Franken ehr Jück leven döen. Unner den eersten Deelkönig Theuderik weer dat Alemannien, later kemen dor ok Döringen un Bayern to.

As dat Frankenriek unner de Karolingers in dat 8. Johrhunnert wedder vereenigt wurrn weer, sünd de Naams Austrasien un Neustrien ut de Geschicht verswunnen. As denn unner Karl den Groten siene Nafolgers dat Riek wedder ut'neenfullen weer, sünd dor in dat 9. Johrhunnert de neen Deelrieke Oostfrankenriek un Westfrankenriek vun wurrn.

• 426 – 448 Chlodwig De Ripuarier
• 448 – 483 Childebert
• 483 – 509 Sigibert de Lamme
• 509 – 509 Chloderik de Vadermörder
• 509 – 511 Chlodwig I. ok König vun Neustrien
• 511 – 534 Theuderik I.
• 534 – 548 Theudebert I.
• 548 – 555 Theudebald
• 555 – 561 Chlothar I. ok König vun Neustrien
• 561 – 575 Sigibert I.
• 575 – 596 Childebert II.
• 596 – 612 Theudebert II.
• 612 – 613 Theuderik II. ok König vun Neustrien
• 613 – 613 Sigibert II. ok König vun Neustrien
• 613 – 623 Chlothar II. ok König vun Neustrien
• 623 – 638 Dagobert I. ok König vun Neustrien
• 638 – 656 Sigibert III.
• 656 – 662 Childebertus adoptivus
• 662 – 675 Childerik II.
• 676 – 679 Dagobert II.
• 678 – 691 Theuderik III. ok König vun Neustrien
• 691 – 695 Chlodwig III. ok König vun Neustrien
• 695 – 711 Childebert III. ok König vun Neustrien
• 711 – 715 Dagobert III. ok König vun Neustrien
• 715 – 717 Karl Martell
• 717 – 719 Chlothar IV.
• 719 – 720 Karl Martell ok König vun Neustrien
• 720 – 737 Theuderik IV. ok König vun Neustrien
• 737 – 743 Karl Martell
• 743 – 751 Childerik III. ok König vun Neustrien

• ??? – 548 Parthemius
• ??? – ??? ???
• 576 – 581 Gogo
• 581 – ??? Wandalenus
• ??? – ??? ???
• 595 – ??? Protadus
• ??? – 600 Claudius
• 600 – ??? Gundulf
• ??? – 612 Landerik
• 612 – 613 Warnachar
• 613 – 616 Rado
• 616 – 623 Hugo Chulus
• 623 – 629 Pippin I.
• 629 – 639 Ansegisel
• 639 – ??? Pippin I. (to'n 2. Mol)
• ??? – 642 Otto
• 642 – 656 Grimoald de Öllere
• ??? – ??? ???
• 662 – 675 Wulfoald
• 675 – 675 Leudesius
• 675 – 679 Wulfoald (to'n 2. Mol)
• 679 – 714 Pippin II. de Middelste
• ??? – ??? ???
• 716 – 741 Karl Martell
• 741 – 747 Karlmann
• 747 – 751 Pippin III. de Jüngere (ok de Korte nömmt)

751 hett Pippin sik to'n König wählen laten un hett dor dat Amt vun den Huusmeier mit afschafft.

• Kaart mit de Grenzen vun de Deelkönigrieke um 600 rüm