Samuel Wallis: Ünnerscheed twischen de Verschonen

Samuel Wallis (* 23. April 1728 in Camelford, Cornwall, England; † 21. Januar 1795 in London, England) weer en britisch Marineoffizier un Weltumsegler. He gellt as Opdecker vun Tahiti un anner Eilannen in' Pazifik.

Wallis weer de Söhn vun en eenfach Landadeligen mit man blots en paar Hektar Grundbesitt. 1744 gung he as Seekadett to de Marine. Bit 1749 deen he in den Engelsch-Franzööschen Krieg un wurr kört nah den Freeden vun Aken (1748) to'n Leutnant befördert.

Nahdem 1756 weer Krieg tüschen England un Frankriek geev (Söbenjohrig Krieg) hett man Wallis up dat Lienschipp Invincible versett. In' Juni vun dat sülvig Johr kreeg he sien eerst eegenstännig Kommando as Commander vun en Sloop. Nu gung dat mit sien Karriere wat vöran. Af April 1757 weer he Kapitän vun en Fregatte mit 20 Kanonen un maak dormit Deenst in noordamerikaansch Water. Nah 18 Maand Deenst kreeg Wallis dat Kommando över dat 60-Kanonen-Kriegsschipp Prince of Orange. Nah den Freeden vun Paris 1763 wurr he, as anner Marineoffiziere ok, up Halfsold sett.

Över de nächst dree Johr weet man vun Wallis blots wenig. 1766 wurr he weer in aktiven Deens beropen un kreeg dat Kommando över de Dolphin. He harr den Updrag tosommen mit de Swallow ünner dat Kommando vun Philip Carteret, de later dat Eiland Pitcairn opdeckt hett, in de Magellanstraat to segeln un ansluutend de Welt to umrunden.

In' Februar 1766 sünd de beid Scheep in See staken. As tweet Leutnant ünner Wallis deen Tobias Furneaux, de later James Cook up de sien Reisen in den Südpazifik begleit hett. De beid Scheep hebbt tosommen den Atlantik överquert, bi de Utfohrt ut de Magellanstraat hebbt se sück aber verloren. De Dolphin is noordwestlich wieder in de Süüdpazifik segelt. Wallis hett an' 18. Juni 1767 Tahiti för Europa opdeckt un hett de to Ehren vun den britischen König King George Island döfft. Samuel Wallis gellt aber ok as Opdecker vun dat Eiland Pinaki, de Eilannen Nukutavake, Vairaatea, Paraoa, Manuhangi un Nengonengo in dat Tuamotu-Archipel as ok vun Meetia, de an wiedsten ööstlich liggen Insel vun de Sellschopsinseln. Up de Trüggfohrt över Batavia hett he denn tosatzlich noch de Eilannen Howe, Tapuaemanu, Mopihaa un Fenua Ura opdeckt. Nah en Tüschenupenholt in Batavia, bi de en Deel vun sien Mannschap wegen Infektschoonskrankheiten to Dood keem, kehr he över dat Kap der Guten Hoffnung torüch nah England. Dormit harr he de Eer den eenmal ümsegelt.

Dornah wull he woll geern dat Kommando över de Endeavour hemm, allerdings wurr hüm James Cook vörtrucken. Wallis hett sück dornah in't Privatleven torüchtrucken, wurr aber noch mal 1780 in den aktiven Deenst torüchropen. As Sinekure kreeg he för twee Johr den Posten vun en „extra naval commissioners“ todeelt. An' 21. Januar 1795 is Wallis in London storven.

• Nah Wallis is dat hüüüdige Franzöössch Överseerebeet Wallis un Futuna, nordöstlich vun de Fidschiinseln nömmt.

Samuel Wallis. Mehr Biller, Videos oder Audiodateien to’t Thema gifft dat bi Wikimedia Commons.

• Wiedere Informatschonen över Samuel Wallis (engelsch)
• Över Wallis: http://www.nzetc.org/tm/scholarly/tei-BucIntr-t1-body-d5-d9.html#name-150153-mention
• DNB-Katalog