Kiel: Ünnerscheed twischen de Verschonen

Kiel is de Landshööftstedt vun Sleswig-Holsteen un een traditschoonsriek Universitätsstedt mit 230.000 Inwahners (2002). Jeedeen Sommer, in de lest heel Juni-Week, findt de Kieler Woch statt.

• Kiel wöpst twüssen 1233 un 1242 gröndt.
• In'n Middelöller tobehörig to de Hanse
• Na de Eroberung vun Sleswig-Holsteen dör Preußen un Öösterriek in’n Düütsch-Däänschen Krieg 1864 Utbuu to’n Marinehaven.
• Kiel wöör 1946 ünner britische Besattung Landshööftstedt vun Sleswig-Holsteen un wöör dormools fast heel nü opbuut, för dat de Stadt in’n Tweten Weltkrieg veel Bomben afkregen harr.

Kiel is een vun de wichtigsten Naturhavens an de Oostsee an de Kieler Föör. Dör Kiel löppt trotz de Laag an de Oostsee de Waterschiednis to de Noordsee. De Stroom Eider, de in de Noordsee mündt, beröhrt Kieler Stadtrebeet, ferner ennt de Noord-Oostsee-Kanal in’n Stadtdeel Kiel-Holtenau. Dat Butenland vun Kiel is vun Moränenhümpels präägt un geiht direkt in de Holsteensche Swiez över.

• Brösel, Comicteekner, tekent lustige Billergeschichten, tomehrst mit sien Figur Werner
• Carl Loewe, Schriever
• Björn Engholm, Politiker
• Max Planck, Physiker

De gröttste Attrakschoon vun Kiel is sien landschaplich Laag an de Föör. Dor kummt de lüttsche Kiel to, dat Raathuus, de Slottpark, de Nikolaikark, de Oper, dat Laboer Ehrmool un dat U-Boot 995 ut’n Tweten Weltkrieg, dat Olympiadörp Schilksee, de Holtenauer Slüüs un de Kiellinie (Kaiafsnitt in de Neegde vun’t Stadtzentrum).

Kiel is för all een Verkehrsknotenpunkt för den Fährverkehr na Noordeuropa (Oslo, Göteborg, Klaipeda) un na Russland (Kaliningrad, Sankt Petersborg). Sünst befindt sik in Kiel Maschinenfabriken, Warften un anner Industrie.

Ellerbek is etwa in’t 13.Joorhonnert ontstandt. De Naam vun’t dormoolig Fischerdörp is op’t Beek twüschen de Ellers (Erlenbach) trüchtoföhrn. Ingemeendt waard Ellerbek in’t Joor 1910. Hüüt leevt dor etwa 6.000 Inwahners.

Elmschenhagen waard erstmoolig 1286 mit Elvereshagen oorkondlik festschreeven. Översetten kunn man de Naam mit Elk-Tuun(Elchzaun), wat vermootlik op een Elkholdung verwiest. Sinds 1939 is Elmschenhagen een Stedtdeel vun Kiel. Leeven don dor hüüt etwa 18.000 Inwahners.

Hassee befind sik in’t Süd-Western vun Kiel. De Naam Hassee geiht op’t Naam Hertse trüch, wat op’t Hirschsee wiest. Düsse See givt dat hüüt nich mehr. Oorkondlik festschreeven waard Hassee to’t eerst mool 1222. To’t 1. April 1910 waard Hassee na Kiel ingemeendt. Hüüt leevt in Hassee etwa 12.000 Inwahners.

Mettenhoff geiht trüch op’n Hoff, de üm 1670 to’t Goot Quarnbek gehördt. De Hoff wordt döpt na’t Naam vun’t Fru vun’t Eigendömer. Er Naam wöör Meta von der Wisch. So waard Mettenhoff an’t 1. Juni 1963 ingemeendt mit 526 Inwahners. 1965 begonn de Buu vun een Hoochhuusseedlung. Hüüt leevt in Mettenhoff etwa 20.000 Inwahners.

Schilksee liggt in’t Noordern vun Kiel an’t Kieler Föör. De Naam geiht op’t Grönder Thimmo de Skildekesse trüch. Schilksee waard 1274 in’t Kieler Stedtbook indraagen. Schilksee waard 1959 ingemeendt.

Steenbek waard etwa in’t Joor 1798 vun 8 Kätnerslüüd rond üm de Kürbarg (Kürberg) beseedelt wordt. De Naam wiest op’n Steenbek (Steinbach) hen. Ingemeendt waard Steenbek in’t Joor 1909.

Suchsdörp liggt op´t südlik Siet an’t Noord-Oostseekanaal. Oorkondlik festschreeven waard Suchsdörp in’t Joor 1269. De Naam geiht op’t wohrschienliken Grönder Suko trüch. Suchsdörp waard ingemeendt in’t Joor 1958. In Suchsdörp leevt hüüt etwa 8.500 Inwahners.

De Wik liggt direkt an’t Bucht in’t Kieler Föör, südlik vun’t Noord-Oostseekanaal. Op Grond vun de Bucht is ook de Naam Wik to verklooren. Wik is Ollgermanisch un bedüüt Bucht. Oorspronglik wör de Wik een Buurndörp, wat etwa in’t 14. Joorhonnert gröndt wordt is. De Wik waard 1893 in Kiel ingemeendt.