William Spencer Vickrey

William Vickrey wurr in dat kanaadsch Victoria up Vancouver Island boren un hett de Phillips Academy in Andover, Massachusetts afslooten. Ansluutend hett he Mathematik an de Yale University studeert un 1935 den Afsluss Bachelor of Science maakt. Dornah fung he en Master-Studium an de Columbia University in New York an, dat he 1937 afslooten hett. An de sülvige Universität kreeg he 1947 sien Doktertitel..^[1]

Vickrey weer 1946 Dozent an de Columbia University in New York, nahdem he vörher as Stüerberader arbeit harr, ansluutend kreeg he en Professur för Ökonomie. 1974 wurr he in de American Academy of Arts and Sciences wählt, 1996 in de National Academy of Sciences.

1992 stunn Vickrey de American Economic Association as wählt Präsident vör.^[2]

Vickrey sien Ergevnisse harrn direkten Infloot up de Tarifpolitik vun Versekerungen un de Stüerpolitik. He geev de Vickreyauktschoon sien Naam, bi de geheim boden wurrd, de Hööchstbeedend aber blots den Pries vun dat tweethööchste Gebot betahlt.

Den hüm verleeht Nobelpries för Wertschapswetenschapen, kunn he aber nich mehr entgegennehmen, wiel he tüschen Bekanntgaav un den offiziellen Verleehnstermin an’n 10. Dezember 1996 storven weer.

• Counterspeculations, auctions, and competitive sealed tenders (1961)

• Indrag up de Sieden vun den Nobelpries (engelsch)
• Nobelpricewinner Prof. William Vickrey: 15 fatal fallacies of financial fundamentalism-A Disquisition on Demand Side Economics

1. ↑ William S. Vickrey (1914–1996). In: The Concise Encyclopedia of Economics. Afropen an’n 1. August 2014. 
2. ↑ Past and Present Officers. aeaweb.org (American Economic Association), afropen an’n 15. Mai 2019 (engelsch).