Sergey Tiviakov

Tiviakov hett Schach mit fiev Johren lehrt. Van 1980 bit 1984 weer he Schöler vun de Schachschool vun Wassili Smyslow. 1989 fung he sien Profispelerkarriere an un wunn in dat sülvig Johr die Jöögdweltmeesterschap U16 in in Aguadilla. 1990 wurr he in Singapur Jöögdweltmeester U18, vör Wladimir Kramnik un Peter Heine Nielsen.^[1] Bi de U20-Weltmeesterschap 1991 in Mamaia keem he up Platz 3.^[2] 1990 wurr Tiviakov to’n Internatschonalen Meester nöömt^[3], 1991 kreeg he vun de FIDE de Titel Grootmeester tospraaken.^[4] 1993 wunn Tiviakov in Rostow an‘n Don un qualifizeer sück in dat sülvig Johr in Grunneng för de Kandidatenkämpe vun de PCA, is aber all in dat Veertelfinale 1994 in New York gegen den Briten Michael Adams mit 6,5:7,5 (nah Schnellschachsteeken, 4:4 nah Turnierpartien) utscheeden. 1994 wurde er in Wijk aan Zee Tweet. 1995 hett he sien Ökonomiestudium in Krasnodar afslooten un is 1997 in de Nedderlannen (Grunneng) översiedelt.

1998 wunn he gemeensam mit Vadim Milov in Grunneng, een Johr later wunn he in Irland bi dat Bunratty International Chess Festival. Bi de Landsmeesterschap vun de Nedderlannen keem he 2005 tosommen mit Daniël Stellwagen up den deelten tweeten Platz achter Loek van Wely, 2006 wunn he överleegen mit 9 Punkten ut 11 Partien, 2007 wurr he weer nedderlannsch Meester, ditmal nah Wertung vun den direkten Vergliek, punktgliek mit Stellwagen. 2008 wunn he in Plowdiw de Europameesterschap vör Sergei Wiktorowitsch Wolkow, Pawel Wladimirowitsch Tregubow, Sergej Movsesjan un annern. In‘n Februar 2009 wunn he dat 2. Pfalz-Open in Neustadt an der Weinstraße mit 7,5 Punkten ut 9 Partien. In‘n Juli 2018 wunn he to’n darten Mal de Landsmeesterschap vun de Nedderlannen vör Erwin L'Ami un annern.

Tiviakov is för sien soliden positionellen Stil bekannt. Van 2004 bit 2005 hett he 110 Partien mit klassisch Bedenktiet ahn en eenzige Nedderlaag speelt. Toletzt ünner de best 20 vun de Welt weer he in’n Oktober 2005. Sein hööchste Elo-Tall weer dormals 2699.

Tiviakov hett mit de russisch Natschonalmannschap de Schacholympiade 1994 wunnen un hett mit de Nedderlannen an de Schacholympiaden 2000, 2002, 2004, 2006 un 2014 deelnommenl.^[5] Mit de Nedderlannen hett he buterdem an de Schach-Mannschapsweltmeesterschap 2013^[6] un de Mannschapseuropameesterschapen 1999, 2001, 2003, 2005 un 2007 deelnommen.^[7] Mit de Mannschaft wurr he 2001 un 2005 Europameester, 2001 reck he buterdem dat beste Ergevnis an dat darte Brett.

In de nedderlannsch Meesterklasse speelt Tiviakov siet 1997 gelegentlich för den Schaakclub Groningen, mit den he 2007 nedderlannsch Mannschapsmeester wurr. In de russisch Mannschaftsmeesterschap]] speel Tiviakov 2006 för Sankt Petersburg, 2007 för de Mannschap vun Ekonomist-1 Saratow, mit de he in dat sülvig Johr ok an den European Club Cup deelnehmen dee^[8], un 2009 för den Meester Tomsk-400, mit den he in dat sülvige Johr an den European Club Cup deelnommen hett.^[8][9] In de düütsch 1. Bundesliga speel Tiviakov in de Saison 2002/03 för den SK Turm Emsdetten un van 2007 bit 2014 för den Schachclub Eppingen. De britsch Four Nations Chess League wunn he 2006 mit Wood Green un 2011 mit Pride and Prejudice, in Ungarn speel he van 2007 bit 2009 för den Csuti Antal SK Zalaegerszeg, mit den he 2008 Meester wurr. In de spaansch Mannschapsmeesterschap speel Tiviakov 2004 un 2007 för de Mannschap vun CA Intel-Tiendas UPI Mancha Real, mit de he 2004 Meester wurr, 2006 för CA AMD-Cofimán Mancha Real.^[10]

Buterdem speel Tiviakov ok in Frankriek för den Club de Chess 15 Paris, in Belgien för Boey Temse un Cercle d'Échecs Fontainois, in [[Noordmakedonien|Makedonien] för den SK Alkaloid Skopje, mit den he tweemal an den European Club Cup deelnehm^[8], in Jugoslawien för Agrouniversal Zemun, mit de he bi den European Club Cup 1999 den tweeten Platz recken dee^[8], 2014 in Litauen för den ŠK Margiris Kaunas^[11] un in Ägypten för die Mannschap vun de Eastern Company Al-Sharkia, mit de he 2006 de arabsch Vereensmeesterschap wunnen hett.^[12]

Bi ChessBase hett he tallriek Lehrvideos herutbrocht, ünner annern över dat Maroczy-System un de Alapin-Variante vun de Siziliaansch Verteidigung.

Tiviakov hett in mehreren Länner as Trainer arbeit: Russland, Nedderlannen, Törkie, Indonesien, Bangladesh, Turkmenistan, Kolumbien un Iran. To sien Schöler tellen ünner annern Jan Werle un Jorden van Foreest.

1. ↑ Thomas Koch: Toller Erfolg bei Jugend-WM in Singapur. JugendSchach Utgaav 5/1990, S. 3–5. (Bericht, Tabellen un Partien)
2. ↑ Michael Bezold un Caroline Claus: WM U20 mit Höhen und Tiefen. JugendSchach Utgaav 9/1991, S. 6–8. (Bericht, Tabellen un Partien)
3. ↑ 61st FIDE congress in Schachinformator 50, S. 382.
4. ↑ Willy Iclicki: FIDE Golden book 1924-2002. Euroadria, Slovenia, 2002, S. 80.
5. ↑ Sergey Tiviakov sien Ergevnisse bi Schacholympiaden up olimpbase.org (engelsch)
6. ↑ Sergey Tiviakov sien Ergevnisse bi Mannschapsweltmeesterschapen up olimpbase.org (engelsch)
7. ↑ Sergey Tiviakov sien Ergevnisse bi Mannschapseuropameesterschapen up olimpbase.org (engelsch)
8. ↑ ^{a b c d} Sergey Tiviakov sien Ergevnisse bi European Club Cups up olimpbase.org (engelsch)
9. ↑ Sergey Tiviakov sien Ergevnisse bi russisch Mannschapsmeesterschapen up olimpbase.org (engelsch)
10. ↑ Sergey Tiviakov sien Ergevnisse bi spaansch Mannschapsmeesterschapen up olimpbase.org (engelsch)
11. ↑ LŠL 2014
12. ↑ Sergey Tiviakov sien Ergevnisse bi de arabsch Vereensmeesterschapen up olimpbase.org (engelsch)

  Sergey Tiviakov. Mehr Biller, Videos oder Audiodateien to’t Thema gifft dat bi Wikimedia Commons.

• FIDE-Koort
• Biographie un Partien bi chessgames.com (engelsch)
• Indrag bi 365Chess.com (engelsch)
• Interview mit Sergey Tiviakov, Chessbase, 12. Juli 2018
• DNB-Katalog