Jesper Nelin

Jesper Nelin (* 3. Oktober 1992 in Värnamo) is en sweedsch Skilanglöper un Biathlet.

In’ Skilangloop is he för den Vereen Hestra IF antreeden. 2009 nehm he all an Schölerrennen deel, kunn aber lang kien besünners Ergevnisse vörwiesen. 2012 wessel he to’n Biathlon, wo he för den Vereen Biathlon Östersund IF an den Start geiht. 2015 gelung hüm bi den Weltcup-Sprint in Östersund mit Platz 16 eerstmals en Top-20 Platzeeren. An dat Enn' vun de Saison 2015/16 reck he Platz 61 in' Gesamtweltcup. Dissen Platz kunne he in de Folgesaison nich hollen, keem blots eenmal in de Punkteränge un belegg an' Enn' in' Gesamtweltcup Rang 89. Bi de Biathlon-Weltmeesterschapen 2017 keem he mit de sweedsch Mixed-Staffel up den 6. Platz.

Bi de Olympisch Winterspelen 2018 in Pyeongchang wunn he mit Peppe Femling, Sebastian Samuelsson un Fredrik Lindström de Goldmedaille in de Staffel van de Mannlüüd. In den Massenstart keem he up den 9. Platz.

Jesper Nelin is mit de sweedsch Biathletin un Olympiasiegerin Hanna Öberg tosommen.