Karel Gleenewinkel Kamperdijk

Karel Willem Hendrik Gleenewinkel Kamperdijk (* 30. Oktober 1883 in Haarlem; † 20. Juni 1975 in Rijswijk) weer en nedderlannsch Footballspeler.

Gleenewinkel Kamperdijk speel insgesamt 22 Johr lang för HBS Craeyenhout. Sien eerst Speel för den Haager Vereen hett he kört för sien 18. Gebortsdag an'n 13. Oktober 1901 maakt; bi sien letzt Upträe in dat Trikot van HBS an'n 23. September 1923 weer he meest 40 Johr old. Insgesamt hett he för de eerst Mannschap van HBS 78 Spelen maakt, in de he 10 Doren schaaten hett.^[1] Mit sien Vereen wurr he tweemal nedderlannsch Meester.

He weer an'n 30. April 1905 Liddmaat vun de nedderlannsch Football-Natschonalmannschap, de dat eerste Lännerspeel in de Historie van dat Land bestreeden hett. In Antwerpen wunn de Mannschap mit 4:1 gegen Gastgever Belgien.

Ok bi dat Rückspeel twee Week later an'n 14. Mai 1905 in Rotterdam, dat de Nedderlannen mit 4:0 gegen Belgien wunn, weer Gleenewinkel Kamperdijk mit dorbi. Disse beid Spelen bleven aber ok de eenzig Insätze van Gleenewinkel Kamperdijk in de Nederlands Elftal.

Neben un nah sien Footballloopbahn hett he as Makler un Hannelsvertreder arbeit. 1910 hett he in Batavia sien eerst Fru Christina Fehr heiraadt. 1911 wurr de gemeensame Dochter Vera boren. De Ehe wurr 1919 schett. 1920 hett he sien tweet Fru Anna van Gorkum heiraadt, ut disse Ehe stammt de Dochter Maria Laura; nah den Dood van Anna 1964 hett he 1966 weer in ’s Gravenhage to'n darten Mal, de 1904 borene Hendrica Bruijnzeel heiraadt.^[2]