Kostjantyn Lerner

Kostjantyn Lerner (ukrainsch:Костянтин Лернер, wetenschaplich Transliteratschoon: Kostjantyn Lerner, russch: Константин Зайвелевич Лернер}}/Konstantin Saiwelewitsch Lerner; * 28. Februar 1950 in Odessa; † 24. September 2011 in Herzlia, Israel^[1][2]) weer en ukrainsch Schachmeester.

In de 1980er Johren tell Lerner to de wieder faat Tipp vun den sowjeetschen Schach. He hett an fiev UdSSR-Meesterschapen deelnommen. Bi de Meesterschap 1984 in Lemberg keem he up Platz 2, wat sien gröttste sportlich Spood weer. 1986 in Kiew keem he up den veerten Platz. In dat sülvig Johr kreeg he vun de FIDE ok den Titel Grootmeester.^[3] In de Johren 1978 un 1982 wunn he de ukrainsch Meesterschap.^[4] Dorto keemen noch mennig mehr Siege bi Wettstrieden.

1997 nehm er in Groningen an de FIDE-Schachweltmeesterschap in‘ K.-o.-System deel, verlor aber all glieks in de eerst Runn tegen Eduardas Rozentalis ut Litauen.^[5] 2001 is he nah Israel wegtrucken. 2004 wurr he denn Dart bi de apen israeelsch Meesterschap in Ramat Aviv.^[6]

Sien letzt Elo-Tall wer 2515. In‘ Juli 1995 leeg he mit en Elo-tall vun 2605 up Platz 51 vun de Weltranglist. Lerner weer verheiraadt un harr een Söhn.