Coulissenlandschap

Een coulissenlaandschap is ne samenvoeging van Coulisse en laandschap, 'Coulisse' is et Fraansen weurd veur bewaegboar zi-jstuk van nen achtergroand op et toneel. Dee achtergroanden oaverlapt mekare, en deur met dee zi-jstukken te schoeven onsteet der deepte. Met 'coulissenlaandschap' wöd bedoold n halfopen laandschap dat deur de beplaanting en bebouwing de uutstroaling van n toneel hef, met verschoefboare zi-jstukken zoas bi-j n theater. Bi-j beplaantings mot veural an holtwallen en heggen wödden edacht. Tiedens n sjoksen deur n coulissenlaandschap ku-j hierachter laandschapsdelen zeen verdwienen en eaven later wier verschienen.

Bekende coulissenlaandschappen in Nederlaand bunt:

• de Freesen Wolden
• et zuudlik Westerkwarteer, rundumme den rieksweg A7 en Jonkersvoart
• et gebeed rundumme Wenterswiek
• et Greune Wold te Noord-Braobant
• Twente
• Sallaand
• Achterhook

Et coulisenlaandschap van Tweante hef n kunstskilder Ton Schulten, oet Oatmöske, der too bracht umme te goa skilderen in n stiel, woar as e noe wearldwied bekend van ewörden is. Dissen stiel wöd noe et consensisme enuumd.