Futsal

Quest articol chì l'è scrivud in lombard, con la Noeuva Ortografia Lombarda

El futsal (parolla che la vegn de folball de sala in spagnoeul) a l'è un sport de squadra che 'l vegn del folball, nassud in Sud America in di agn 1930, che 'l ved sgiugà in d'un camp pussee piscinin, despess quatad (reson del nom "sala", in principi eren quei de la balla-canester), squader de cinch persone.

In principi a la FIFA ghe piaseva no che 'l fuss ciamad folball, reson che l'è stad tirad foeura un termen noeuv, ma al dì d'incoeu ghe va ben e l'è ciamad anca folball a 5, e l'è regolad anca de lor, oltra che de l'Asociación Mundial de Futsal, che la vegn di prim orghen regolator del sgioeugh. I do gh'hann di regole diferente, per esempi in quant a la grandeza del camp, i temp de sgiugà, el roeul di sgiudador e roba inscì.

Rispet al folball se sgiuga in su 'n camp pussee piscinin, indova che i aree de porta inn elliteghe, i temp inn pussee curt (in tra i 20 e i 30 menut) e i squader poden ciamà un arimo 'na voeulta per temp, a gh'è un sistema che 'l cunta i fall per dà un tir liber e dopo de 'n tot, de solet ses, la val pu la regola del vantagg e se da un tir liber diret, la gh'è no la regola del foeu de sgioeugh, l'espulsion l'è a temp e i sostituzzion inn libere e se poden fà anca in del mez de la partida, se ghe va ben a l'arbiter.

I roeul di giugador de futsal inn el porter, el central, l'intermedi (partid de solit in ala, esterno o lateral, a segonda de la strategia) e 'l pivot.

• FIGC

• Wikimedia Commons el gh'ha dent imagin o alter archivi su Futsal

• Folballin
• Comparazzion in tra folball e futsal
• Regole de futsal