Disco

La disco music o disco o müsega disco a l'è un gener de müsega che l'era propi famus intra i agn '70 e '80. El nòm el se riferiss a la discuteca perchè 'sta müsega chì a l'è fada per el bal. A podum dì che l'era 'dree a nass in del febrar 1970 a New York quand che el DJ Mancuso l'ha dervii el The Loft, una discuteca privada propi in de la sua cà. A gh'è gent che la dis che i prim canzun disco a hinn vegnüü föra in del 1973, ma a gh'è anca un quejvün che'l dis che Soul Makossa del Manu Dibango del 1972 a l'è la prima registrassiun disco.
La müsega disco la vegn del funk, del soul, de la salsa e alter müsech latin. La disco la gh'ha un ritm in 4/4, la vus la gh'ha una part impurtanta, e la pö vess anca reverberada, pattern particular de hi-hat, un bass eletrich e sincupaa. Fan la meludia anca viulin, corn, pianufort eletrich, flüta e ghitara eletriga.