William James

William James (New York, 11 zenâ 1842 - Chocorua, New Hampshire, 26 agosto 1910) o fu un psicologo e filosofo statunitense.

A so a l'ea 'na famiggia de tradiçion calvinista emigrâ da l'Irlanda. O fræ maggiô de çinque figgi, tra i quæ va ricordao l'Henry James ch'o saiæ vegnuo un çelebre romanzê, o l'ebbe comme poæ o filosofo trascendentalista, discepolo do Swedenborg e amigo de l'Emerson Henry James senior.

Doppo d'esise laureao in meexin-a into 1869 o prosegue i studdi de mainea autodidattica indirissandose verso a psicologia. Into 1872 piggia avio a so carea universcitaia ch'a se desgœugge intregamente a l'universcitæ de Harvard da primma comme sempliçe instruttô e vegnindo dapœu into 1876 professô ascistente de fisiologia. Into 1885 o g'ha l'incarego de professô de filosofia e into 1890 o l'assumme l'incarego de professô de psicologia. Chì a l'universcitæ de Harvard o creiâ un di primmi laoeii de psicologia sperimentâ di Stati Unii. Sempre into 1890 antiçipando o funçionalismo o pubblica uña de sœu opie maggioi, Prinçipi de psicologi in doi volummi. Into 1907 o se retia definitivamente da l'insegnamento accademico.

O pensceo psicologico e filosofico do William James o se destacca da l'empirismo tradiçionâ proppio into moddo de intende l'esperienza. L'esperienza pe-o James a se "aotoconten e a no pœuzza insce ninte".

Nel 1902 o pubblica o risultao de sœu riçerche psicologiche insce a fenomenologia de esperiense religiose e in particolâ insce l'attezzamento mistico e i stati esperiençiæ che contradistinguan o mistiçismo. O titolo de questo travaggio o l'è A varietæ de l'esperiensa religiosa. Inte 'na lettia o scriviâ che se tratta de 'n'esperiensa ch'a va difeisa contra a mæxima filosofia. Chì, foscia ancon ciu che in atre opie, emerze l'influsso do filosofo american protopragmatista Emerson.

O William James ormai o l'ea o filosofo ciù famoso di Stati Unïi d'America, quande proppio a 'n anno da-a so morte, into 1909 zonze in America da l'Europa, invitao da-a Clark University, o mego vienneise Sigmund Freud con trei di sœu ciù fiæ e vexin collaboatoî nel'erizze a nœuva psicologia psicoanalitica, tra chi o zoeno psicoanalista svisseo Carl Gustav Jung, o psicoanalista unghereise Sandor Ferenczi e Ernst Jones da-a Gran Bretagna. L'è inte questa circostansa che ghe fu ascì un incontro personâ tra o psicologo europeo e quello american.

• (EN) William James, The Principles of Psychology, Henry Holt, 1890.
• (EN) William James, Psychology (Briefer Course), Henry Holt, 1892.
• (EN) William James, The Will to Believe and Other Essays in Popular Philosophy, Longmans, Green, and Company, 1896.
• (EN) William James, Human Immortality: Two Supposed Objections to the Doctrine, Houghton, Mifflin, 1898.
• (EN) William James, Talks to Teachers on Psychology: and to Students on Some of Life's Ideals, Henry Holt, 1899.
• (EN) William James, The Varieties of Religious Experience: A Study in Human Nature, Henry Holt, 1899.
• (EN) William James, Pragmatism: A New Name for Some Old Ways of Thinking, Longmans, Green, and Company, 1907.
• (EN) William James, A Pluralistic Universe: Hibbert Lectures at Manchester College on the Present Situation in Philosophy, Longmans, Green, and Company, 1909.
• (EN) William James, The Meaning of Truth: A Sequel to "Pragmatism", Longmans, Green, and Company, 1909.
• (EN) William James, Some Problems of Philosophy: A Beginning of an Introduction to Philosophy, Longmans, Green, and Company, 1911.
• (EN) William James, Memories and Studies, Longmans, Green, and Company, 1911.
• (EN) William James, Essays in Radical Empiricism, Longmans, Green, and Company, 1912.
• (EN) William James, The Letters of William James, vol. 1-2, Little, Brown, 1920.
• (EN) William James, Collected Essays and Reviews, Longmans, Green, and Company, 1920.

• (EN) Ralph Barton Perry, The Thought and Character of William James, as Revealed in Unpublished Correspondence and Notes, vol. 1-2, Little, Brown, 1935.
• (EN) Robert Oleson Ballou, William James on Psychical Research, Viking Press, 1960.
• (EN) Ignas K. Skrupskelis e Elizabeth M. Berkeley, The Correspondence of William James, vol. 1-12, University Press of Virginia, 1992.

• Empirismo
• Empirismo radicâ
• Pragmatismo

• Wikimedia Commons a contêgne di files in sce William James

• (EN) Enciclopedia Filosofica de l'Universcitæ de Stanford, [1]

Sta vôxe chi a l'é òrfana, sàiva a dî sénsa nisciùn colegaménto ch'o ne vêgne da âtre vôxe. Pe piâxéi, métine drénto a-o mànco un ch'o ségge pertinénte e no genérico e scancélla l'avîzo.