Capoâ

A maschera do capoâ (ò caporâ primma do sec. XIX) o l'è un tipico personaggio do tiatro zeneize, 'na specce de miles gloriosus, saiv'à dî o tipo do smargiasso, stoccæço e contamoççe ò - comm'o se definisce - lê mæximo inti Comici schiavi^[1] do Anton Giulio Brignoe Sae Ro conso de tutti i pattæ^[2][3] (comm'a dî: se i pattæ fessan una corporaçion, mi me faieivan console), ch'a-a giornâ d'ancoeu se poriæ rende con o boss di boss, ò o re de tutti i goappi.

Tra e varrie incarnaçioin do capoâ aregordemmo:

• O capoâ Berodo do Anton Giulio Brignoe Sae
• O capoâ Balilla^[4] do Poinâ
• Ormondo, dito o capoâ, Tagg'e squarça^[5] do Steva de Franchi

E chi ciu ghe n'ha, ciu ghe ne mette, scin a arivâ a-o:

• Cê o guappo ò sæ, o Picch'e stroscia do grande Gioxeppe Marzari.

1. ↑ Comici schiavi, comedia do Gabrielle Antonio Lusino. Strabella, Cuneo, 1666.
2. ↑ Anton Giulio Brignoe Sae, Ro conso de tutti i pattæ, Zena, Strabella, 1666.
3. ↑ Pe-a definiçion da paola pattâ ti poeu anâ a chì ò chì, p. 49).
4. ↑ Il genio ligure trionfante, Casamara, Genova, 1697.
5. ↑ Ro mariezzo per forza, [1] da Comedie trasportæ da ro françeize in lengua zeneize-Gexiniana, Zêna, 1781.