Josquin Desprez

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Josquin Desprez

Houtsnee oet 1611 nao 'n intösse verlore sjèlderij.

Gebore

ca. 1450-55

Gesjtorve

27 augustus 1521

Landj

Bourgondische Staot

Sjtielperiood

renaissance

Belankrieke genres

mès, motèt, chanson

Invlood van

Johannes Ockegem

Invlood op

Veerde Nederlandse Sjaol (o.m. Nicolaas Gombert, Jacobus Clemens non Papa

Lies van componiste

Josquin Desprez (ouch wel des Prez; Zuieleke Nederlen, ca. 1450-55 - Condé-sur-l'Escaut, 27 augustus 1521) waor 'ne Zuid-Nederlandse componis vaan de Daarde Nederlandse of Franco-Vlaomse Sjaol. Heer woort tientalle jaore laank gezeen es de groetste componis vaan zienen tied en waor oonder mie wèrkzaam in Milaan, Roeme en Ferrara. Vaan Josquin zien e rillatief groet aontal geisteleke en wereldleke mierstummege composities bewoerd gebleve, die d'n euvergaank vertuine vaan de aw cantusfirmustechniek nao nuier vörm wie doorgeïmiteerd contrapunt en parodie. Nao zienen doed bleef Josquin tientalle jaore laank in hoeg aonzien stoon.