Floris Adriaan van Hall

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Floris Adriaan van Hall (15 mei 1791 in Amsterdam - 29 miert 1866 in 's-Gravenhage) waor Veurzitter vaan de ministerraod (v'r zègke noe: premier) vaan Nederland vaan 19 april 1853 tot 1 juli 1856 en vaan 23 fibberwarie 1860 tot 14 miert 1861. Heer waor vaan de liberaol beweging. Heer volgde de bekinde Johan Rudolph Thorbecke, groondlègker vaan de modern Nederlandse democratie, op es veurzitter en woort aon 't ind daovaan opgevolg door Justinus van der Brugghen. In zien twiede "premiersjap" volgde heer Jan Jacob Rochussen op. Aon 't ind vaan zien carrière es regeringsleier vaan Nederland woort heer vervaange door Jacob van Zuylen van Nijevelt.

't Veurzittersjap vaan de ministerraod woort es de belaangriekste polletieke functie binne 't Keuninkriek vaan de Nederlen gezeen, op de Keuning vaan de Nederlen nao. In 1945 woort de functie pas officieel: de premier of minister-president.