Lierne

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

Sjtergewelf in de kirk van Toruń mit dao-in aangegaeve versjillende óngerdeile: A: twee gordelbäög, B: twee diagonaalrubbe, C: 'ne tierceron, D: 'nen druper of doorhangendje sjloetsjtein, E: 'n lierne en F: twee sjild- of muraalbäög.

'n Lierne of 'n verbinjingsrub is 'n rub in e gewelf die is óntsjtange doe de gewelfboew zich in de gotiek ummer wiejer deej óntwikkele.

'n Lierne is neet drek verbónje mit 't puntj wo 't gewelf op rös, meistes 'n zuul of kolom. Dit in taegesjtèlling toet de gordelbaog, de tierceron, de muraalbaog en de diagonaalbaog, die waal drek zeen verbónje mit 'n zuul of kolom. 'n Lierne is aevel 'n decoratief rub die de hiebaove-geneumde euverige óngerdeile mitein verbindj. Wiejer verbinj de lierne nooit ein van de ere geneumde óngerdeile mit de sjloetsjtein.

Zuuch ouch

Lierne (Nórwaeg)