Raymond Conzemius

Raymond Conzemius
Gebuer	6. Juni 1966 Esch-Uelzecht
Nationalitéit	Lëtzebuerg
Aktivitéit	Héichsprénger, Schouldirekter, Techneschen Direkter, Lycéesprofesser

De Raymond Conzemius, gebuer de 6. Juni 1966 zu Esch-Uelzecht, ass e Sportsprofesser a fréiere lëtzebuergesche Liichtathleet a Spezialist am Héichspronk.

Mat Turnen huet hie seng sportlech Karriär ugefaangen, koum awer duerno duerch seng eeler Schwëster, déi am CA Fola lizenzéiert war, bei d'Liichtathleetik. Dem Trainer Raymond Mores ass dem Raymond Conzemius seng gutt Sprongkraaft opgefall an huet hie bei den Héichsprong orientéiert.

Den 20. Juli 1983 huet hien um internationalen Cactus-Meeting mat 2,15 m dem Marc Romersa säi Landesrekord am Héichsprong egaléiert.

Um LASELs-Championnat, den 22. Mee 1984, huet de Raymond Conzemius mat 2,16 m en neie Landesrekord opgestallt. Dat selwecht Joer huet hien de Rekord nach bis op 2,20 m eropgeschrauft.

1984 ass hie vun der Lëtzebuergescher Sportpress zum Lëtzebuerger Sportler vum Joer gewielt ginn.

Nodeem hien Enn 1980er an Ufank 1990er Jore vill mat Verletzunge geplot war, huet hien de Landesrekord 1995 nach eng Kéier op 2,22 m verbessert.

De Raymond Conzemius war Sportsprofesser am Lycée Aline-Mayrisch a duerno bis 2020 Direkter vum Sportlycée, ier hien als techneschen Direkter an den COSL gewiesselt ass^[1].

Hie war Chef de mission vum Team Lëtzebuerg op den Olympesche Summerspiller 2024 zu Paräis^[2].

• 1. an der lëtzebuergescher Landesmeeschterschaft (2,04 m)

• 1. an der lëtzebuergescher Landesmeeschterschaft (2,18 m)

• 1. an der lëtzebuergescher Landesmeeschterschaft (2,10 m)

• 1. an der lëtzebuergescher Landesmeeschterschaft (2,04 m)

• 1. an der lëtzebuergescher Landesmeeschterschaft (2,11 m)

• 1. an der lëtzebuergescher Landesmeeschterschaft (2,08 m)
• 1. bei de Spiller vun de klengen europäesche Staaten (2,15 m)

• 1. an der lëtzebuergescher Landesmeeschterschaft (2,02 m)

• 1. bei de Spiller vun de klengen europäesche Staaten (2,18 m)

• Chevalier vum Ordre de la couronne de chêne (Promotioun 2007)^[3]

• Portal Sport
• Lëscht vu lëtzebuergesche Sportler
• Lëscht vu lëtzebuergeschen Olympionicken
• Lëtzebuergesch Sportler vum Joer

Virdrun	Sportler vum Joer	Duerno
Roland Jacoby	1984	Claude Michely

1. ↑ De Raymond Conzemius wiesselt vum Sport-Lycée bei de Comité Olympique. rtl.lu (17.07.2020). Gekuckt de(n) 18.07.2020.
2. ↑ (fr)Délégation Team Lëtzebuerg aux JO Paris 2024. teamletzebuerg.lu (25.06.2024). Gekuckt de(n) 29.06.2024.
3. ↑ Remise de l'insigne de chevalier dans l'Ordre de la Couronne de Chêne 25-06-2007 op der Websäit vum Sportsministère