Ospital

Un ospital, ispital, espital o eshpital^[1] es un fraguado espesialmente para atender a los hazinos, para diagnostikar la su hazinura i azer el tratamyénto ke seya menesterozo. Egzisten munchos tipos de ospitales, asigun el tipo de hazinura ke tratan: djeneralos, de agudos, psikiatrikos, maternos, para ninyos i otros.

El biervo ospital viene del biervo en lingua latina hospes, "musafir", ma tambien sinyifika "el ke tiene musafires". De hospes se yegó a hospitalia, "kaza para vijitas ajenas", biervo ke kon el tyempo pasó a ser uzado para yamar al lugar ande se atiende a los sharfos i los hazinos.

Ariéntro de los ospitales, se puede toparsen las diferentes kateggorías de la medisina, komo Otorrinolaringolojiya, Kardiolojiya, Neurolojiya, Oftalmolojiya, Medisina interna, Medisina tropikala i otras.

Wikimedia Commons alberga kontenido multimedia sovre ospitales

• Direktorio mondial de ospitales (en lingua kastilyana)

1. ↑ Diksionario de Judeo-Espanyol de Ladinokomunita por Güler Orgun, Antonio Ruiz Tinoco i munchos otros kolaboradores

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.