Sollemnitas

Sollemnitas est festum maximi momenti in ordine liturgico Ecclesiae Catholicae Romanae.

In ritibus Ecclesiae Catholicae Romanae variae celebrationes diversos sollemnitatis gradus habent. Gradus sollemnitatis est maximus et reservatur pro praecipuis celebrationibus: Christi Nativitati, Paschae et aliis. Sollemnitas cum vespera diei antecedentis incipitur. Minores gradus sunt: Festum, Memoria, et Commemoratio.

Sollemnitates fixae sunt:

• 1 Ianuarii Sanctae Dei Genetricis Mariae
• 6 Ianuarii Epiphaniae Domini
• 19 Martii Sancti Iosephi, Sponsi Beatae Virginis Mariae
• 25 Martii Annuntiationis Domini
• 24 Iunii Nativitatis Sancti Ioannis Baptistae
• 29 Iunii Sanctorum Petri et Pauli Apostolorum
• 15 Augusti Assumptionis Beatae Mariae Virginis
• 1 Novembris Omnium Sanctorum
• 8 Decembris Conceptionis Immaculatae Beatae Mariae Virginis
• 25 Decembris Nativitatis Domini Nostri Iesu Christi

Solemnitates Mobiles:

• Ascensionis Domini
• Pentecostes
• Sanctissimae Trinitatis
• Sanctissimi Corporis et Sanguinis Christi
• Sacratissimi Cordis Iesu
• Domini Nostri Iesu Christi Universorum Regis

Pascha cum suo triduo consideratur summa sollemnitas.