Saeculum

Saeculum (-i, n.) est spatium temporis variae quantitatis:

• Spatium temporis inter natos patrem et filium
• Spatium centum annorum continuorum, vel viginti lustra
• Spatium mille annorum, id est millennium (sed raro).

Saeculum etiam est mundus ipse, praesertim (lingua Christiana) quod attinet ad res profanas, non ad deos pertinentes; unde usus solitus verbi "saecularis."

Secundum Censorinum, saeculum fuit "spatium vitae humanae longissimum partu et morte definitum" (DN 17.2). Ludi Saeculares finem saeculi, inceptionemque novi saeculi indicaverunt; tale saeculum non semper centum annorum sed inter 50 et 200 annos comprehendit.