Subscriptio[2] vel nomen subscriptum[3] vel signatura[4][5] est depictio (saepe speciosa facta) cuiusquis nominis, nominis per ludibrium datum, vel adeo simplicis X vel alius notae usitate manu scriptae, quam homo in instrumentis scribit ad probandam suam identitatem et consilium. Qui subscriptionem scribit est signator vel signatorius. Locutio opus subscriptionis, subscriptionis manu scriptae similis, opus quod suum auctorem facile agnoscit describit. Subscriptio cum chirographo confundi potest, quod imprimis subscriptio artificis est. Nonnulli homines, plerumque famosi, ambobus subscriptione et chirographo uti solent, illa privata, hoc publico.
