Leo Hendrik Baekeland
Leo Hendrik Baekeland ya iku penemu plastik.[1] Dhèwèké lair ing Ghent, Bèlgi, tanggal 14 November 1863.[1] Kulawargane kagolong kulawarga kang mlarat.[1] Kawit isih cilik, dhèwèké dikenal minangka bocah kang pinter lan duwé semangat sinau.[1] Dhèwèké uga duwé minat sinau sains.[1] Nalika isih ana ing sekolah menengah, dhèwèké uga mèlu kursus kimia, fisika, matematika, lan ékonomi ing The Glent Technical School.[1] Nalika umur 16 taun, dhèwèké lulus sekolah menengah lan éntuk beasiswa kanggo nerusaké kuliyah ing Universitas Ghent.[1] Dhèwèké nyandhang gelar sarjana nalika umur 19 taun amarga kuliyahe mung telung taun.[1] Ing tau 1884, nalika umur 21 taun, Baekeland wis nyandhang gelar dhoktor sains kanthi biji kang paling apik.[1] Sawisé iku, dhèwèké mulang ing universitas Ghent nganti taun 1889. Baekeland duwé hobi lelungan lan moto. Dhèwèké uga kerep lelungan ana luar negri, kaya ta Prancis lan Inggris.[1] Nalika taun 1889, Baekeland éntuk beasiswa kanggo sekolah ing Amérikah Sarékat kang suwéné telung taun.[1] Sawisé rampung anggoné sekolah, dhèwèké netep ana ing Amérikah Sarékat.[1] Baekeland seneng banget moto, mula dhèwèké nyambut gawé ing perusahaan piranti fotografi.[2] Nalika iku, fotografi isih njagakake cahya srengéngé.[2] Kanggo nyetak gambar négatif filem ing dluwang, kudu nggunakaké sinar srengéngé.[2] Yèn cuacane ora apik, bakal bisa nggangu anggoné nyetak foto.[2] Mula Baekeland ngupaya ngrembkake cahya lampu gas kanthi nggunakaké cahya gawéan.[2] Kanthi wektu kang ora suwé, dhèwèké bisa gawé kertas foto kang diarani Velok.[2] Tanpa srengéngé, kertas iki bisa digunakaké nyetak filem.[2] Minangka pengganti sinar srengeng ya iku kanthi nggunakaké lampu.[2] Kanggo dukung panemone mau, ing taun 1893, dhèwèké bisa ngadegaké pabrik foto kanthi aran Nepera Chemical Company (Perusahaan Kimia Neperaa).[2] Perusahaan mau, ora suwé banjur gagal.[2] Enem taun candhaké, dhèwèké adol perusahaane marang George Eastman.[2] Duwite mau minangka yasa sawijining laboratorium ing Yonkers, New York.[2] Sawisé nindakaké pirang-pirag panaliten, dhèwèké kasil anggoné nemu plastik.[2] Baekeland tinggal donya tanggal 23 Fèbruari 1944 ing Beacon, New York, AS. Minangka ilmuwan, dhèwèké wis matenake 100 panemone.[2]