Farouk saking Mesir

Farouk I
Raja Mesir, Panguwaos Nubia, saking Kordofan lan Darfur
Mréntah	28 April 1936 – 26 Juli 1952
Miyos	Cithakan:Birthdate
	Kairo, Mesir
Tilar donya	Maret 18, 1965(1965-03-18) (umur 45)
	Roma, Itali
Dipunsarèkaken	Kairo
Pendahulu	Fuad I
Pangganti	Fuad II
Consort	Safinaz Zulficar, Nariman Sadek
Yoga	Putri Farial, Putri Fawzia Farouk, Putri Fadia, Fuad II
Dinasti	Karajan Muhammad Ali
Bapa	Fuad I
Ibu	Nazli Sabri

Raja Farouk (11 Fèbruari 1920-18 Maret 1965) wujud Raja Mesir ingkang marisi tampuk papréntahan saking bapanipun Raja Fuad I nalika taun 1936. Sasampunipun dipunlantik, raja ingkang yuswanipun 16 taun punika maringaken pidhato ing radhio, dados raja Mesir sepindhah ingkang ngandika kanthi langsung dhumateng rakyatipun.

Raja Farouk ingkang taksih remaja punika kèlu dhumateng kagesangan ingkang miwah. Sanajan gadhah maéwu-éwu are lemah, lusinan kedhaton, lan atusan montor, panjenenganipun boten naté rumaos cekap kaliyan kasugihanipun. Raja Farouk asring plesir dhumateng Éropah kanggé blanja.

Nalika wekdal-wekdal awrat samangsa Perang Donya II, Raja Farouk asring dipunkritik amargi cara gesangipun ingkang miwah. Kaputusan Raja Farouk kanggé tetep nguripaken sadaya lampu kedhatonipun ing Alexandria nalika sadaya lampu ing kitha dipunpatèni nalika dumados pangeboman ingkang dipunlampahaken bala Italia, njalari Raja Farouk dipunsengiti.

Nalika saya diwasa, Raja Farouk wiwit nyolong barang-barang nalika damel kunjungan-kunjungan resmi, kalebet pedhang istiadat Shah Iran lan jam kanthong berharga kagunganipun Winston Churchill. Raja Farouk ugi wujud pancopèt ingkang andhel lan tumut nyolong saking rakyat biyasa saéngga panjenenganipun dipunjuluki "Maling saking Kairo". Pupunika wujud salah satunggil jalaran kudhéta militèr nalika taun 1952.

Amargi tedahan panyalahgunaan kuwaos lan kakalahan Mesir nalika Perang Arab-Israèl 1948, Raja Farouk dipungulingaken salebetipun kudhéta militèr tanggal 23 Juli 1952 pimpinan Gamal Abdul Nasser, ingkang meksa Farouk kanggé lèngsèr lan dipunsingkiraken dhumateng Monako, ing pundi Raja Farouk 1 manggèn kanggé sisa gesangipun. Sasampunipun Farouk dipunsingkiraken, putranipun ingkang taksih bayi dipunnyatakaken minangka Raja Fuad II. Sanajan makaten, pamaréntah monarki saleresipun sampun dipunbisak kanthi de facto. Nalika taun 1953 papréntahan monarki dipunbisak kanthi resmi lan Mesir dados satunggiling republik. Papréntahan énggal lajeng nglélang kolèksi kasugihan tetilaripun Raja lan asil colongan ingkang kathah.

Raja Farouk teras gesang mawi gaya gesang ingkang miwah lan ketagihan ngempalaken bandha. Kekaremanipun dhahar panganan ingkang éca njalari Raja Farouk dados lemu dumugi 140 kg bobotipun. Tanggal 18 Maret 1965, Raja Farouk ambruk ing méja dhahar sasampunipun satunggiling dhahar ndalu ingkang ageng lan pejah.

Farouk palakrami kapaing kalih ing gesangipun, sepindhah kaliyan Safinaz Zulfikar (1921–1988; palakrami taun 1938; pegatan taun 1948), lan lajeng kaliyan Nariman Sadeq (1934–2005; palakrami taun 1951; pegatan taun 1954).

• Farial (1938-)
• Fawzia (1940-2005)
• Fadia (1943-2002)
• Fuad II (1952-)

• Ashraf Pahlavi "Faces in a Mirror", Englewood Cliffs: Prentice-Hall, Inc., 1980
• McLeave, Hugh The Last Pharaoh: Farouk of Egypt, New York: McCall Pub. Co., 1970, 1969 ISBN 0-8415-0020-7.
• New King, Old Trouble, Time Magazine, Monday, May 11, 1936. Archived August 27, 2013, at the Wayback Machine.
• Sadat, Jehan "A Woman of Egypt", New York: Simon and Schuster, 1987 ISBN 0671540713
• Stadiem, William Too Rich: The High Life and Tragic Death of King Farouk, New York: Carroll & Graf Pub, 1991 ISBN 0-88184-629-5

Wikimedia Commons duwé médhia ngenani Farouk I of Egypt.