Christiaan N. Barnard
Cristiaan N. Barnard (lair ing Beaufort, Western Cape, Afrika Kidul, 8 Novèmber 1922 – pati ing Paphos, Dhistrik Paphos, Siprus, 2 Sèptèmber 2001 ing umur 78 taun) ya iku penemu sistem transplantasi utawa pencangkokan jantung manungsa.[1] Dhèwèké lair ing laladan plosok ing Afrika Kidul.[1] Dhèwèké ya iku sawijining dhokter.[1] Gelar dhoktere saka Fakultas Kedhokteran Universitas Cape Town nalika Taun 1946.[1] Nalika kuliyah, dhèwèké dikenal minangka mahasiswa kang pinter lan duwé pangelingan kang dhuwur.[1] Nalika dhèwèké ngabdi, dhèwèké sinau babagan lelara tubercular meningitis, lelara radhang saluran pernapasan kang disebabake déning infeksi.[1] Sawisé ngabdi, dhèwèké nyambut gawé ana ing Rumah Sakit Groote Schuur ing Cape Town.[1] Ing kono, dhèwèké wiwit seneng karo ngèlmu bedhah.[1] Karo sadulur lanange, ya iku Marius kang uga sawijining ahli bedhah, Bernard nindakaké pirang-pirang percobaan pencangkokan jantung kanthi nggunakaké asu minangka kéwan percobane.[1] Tanggal 3 Dhésèmber 1967, dhèwèké kasil anggoné nindakaké pencangkokan jantung manungsa.[1]
Wong kang wiwitan dadi pasien cangkok jantung ya iku Louis Washkansky, wong lanang kang umuré 55 taun.[2] Dhèwèké éntuk donor jantung saka sawijining wong wadon kang isih enom kang lagi kecelakaan.[2] Sanajan uteke wis mati, nanging jantunge wong wadon mau isih bisa obah.[2] Sawisé pencangkokakan, Louis Washkanski dadi waras manèh, mula dhèwèké bisa lungguh ana ing dhuwur kasur.[2] Nanging sawisé wolulas dina, dhèwèké tinggal donya amarga radhang saluran pernapasan (pneumonia).[2] Sisitem kekebalanne mudhun akibat nggunakaké usada lan radiasi kang ditindakake nalika oprasi.[2] Kedadeyan mau gawé masarakat dadi ora patiya percaya marang panemone Barnard, mula akèh kang padha protes.[2] Sanajan akèh kang padha protes, nanging Bernard tetep nindakaké cangkok jantung kanthi ngowahi cara-carané.[2] Saya suwé, operasi pencangkokan jantung saya kasil mula akèh pasien kang bisa dawa umuré.[2] Taun 1983, punjul 63 oprasi cangkok jantung, kerep ditindakake.[2] Ing Rumah Sakit Groote Schuur, Bernard uga kasil anggoné nindakaké oprasi dobel marang sawijing wong lanang kang umuré 50 taun.[2]
Cathetan suku
[besut | besut sumber]
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |