Dalvíkurbyggð

Dalvíkurbyggð er sveitarfélag við utanverðan Eyjafjörð sem varð til við sameiningu Dalvíkurkaupstaðar, Svarfaðardalshrepps og Árskógshrepps árið 1998. Merki Dalvíkurbyggðar er mynd af þrem fjöllum sem tákna uppruna sveitarfélagsins. Hreppamörkin liggja um Ólafsfjarðarmúla og á vatnaskilum inn Svarfaðardal, inn á Heljardalsheiði, fyrir botn Skíðadals og út með dalnum að austan allt að Dýjafjallshnjúk. Þar sveigja mörkin til austurs og fara yfir suðurenda Þorvaldsdals, út með honum að austan og ná til strandar innan við Rauðuvík.

Dalvíkurbyggð
Sveitarfélag
Háls í Svarfaðardal
Skjaldarmerki
Staðsetning Dalvíkurbyggðar
Hnit: 65°58′N 18°32′V / 65.967°N 18.533°V / 65.967; -18.533
Land	Ísland
Kjördæmi	Norðausturkjördæmi
Þéttbýliskjarnar	Dalvík Hauganes Litli-Árskógssandur
Stjórnarfar
• Bæjarstjóri	Eyrún Ingibjörg Sigþórsdóttir
Flatarmál
• Samtals	597 km2
• Sæti	33. sæti
Mannfjöldi  (2024)
• Samtals	1.866
• Sæti	26. sæti
• Þéttleiki	3,13/km2
Póstnúmer	620, 621
Sveitarfélagsnúmer	6400
Vefsíða	dalvikurbyggd.is

Í sveitarfélaginu er stundaður nokkur landbúnaður í Svarfaðardal og á Árskógsströnd en þéttbýlið við ströndina byggir mest á sjávarútvegi. Helstu þéttbýlisstaðir: Dalvík, Litli-Árskógssandur og Hauganes. Auk þess er lítið íbúðarhúsahverfi í Laugahlíð í Svarfaðardal.

Íþróttamaður Dalvíkurbyggðar er valinn árlega af Íþrótta- og æskulýðsráði Dalvíkurbyggðar.