Sameinaða danska gufuskipafélagið

Sameinaða danska gufuskipafélagið (eða Sameinaðafélagið) (danska: Det Forenede Dampskibs-Selskab) er danskt skipafélag, og var um tíma eitt það stærsta í heimi. Það varð til við sameiningu nokkurra smærri skipafélaga. Í forsæti félagsins á fyrstu árum þess var Carl Frederik Tietgen. Sameinaðafélagið var stofnað þann 11. desember 1866 og stundaði í lok 19. aldar og upphafi þeirrar 20. siglingar með vörur til Íslands og sá um strandsiglingar um landið.

Ekkert erlent félag var á sínum tíma eins mikið riðið við alla framþróun á Íslandi og Sameinaðafélagið. Það hélt uppi siglingum til landsins frá 1867, að undanskildum nokkrum árum sem danska stjórnin annaðist siglingar á skipinu Diönu.